ஷான் வார்னை மணக்க லிஸ் ஹர்லி சம்மதம்!

Published: Sunday, October 2, 2011, 15:18 [IST]

Subscribe to Oneindia Tamil

திருமணம் செய்து கொள்ளாமலேயே ஷான் வார்னுடன் வாழ்ந்து வரும் இங்கிலாந்து நடிகை எலிசபெத் ஹர்லி தற்போது வார்னை மணக்க சம்மதித்து விட்டாராம்.

கடுமையான முயற்சிகளுக்குப் பின்னர் ஹர்லியை சம்மதிக்க வைத்துள்ளார் வார்ன். நேற்று இரவுதான் வார்னை மணக்க தனது சம்மதத்தைத் தெரிவித்தாராம் ஹர்லி. இனி நான் உங்களது பெண்ணாக இருக்க விரும்புகிறேன் என்று வார்னிடம் கூறி விட்டாராம் ஹர்லி.

இந்தியரான அருண் நாயரின் மனைவிதான் இந்த லிஸ். ஆனால் அவரும், ஷான் வார்னும் முத்தமிட்டுக் கொள்வது போன்ற நெருக்கமான காட்சி அடங்கிய புகைப்படம் வெளியானதும் நாயர் மணமுடைந்தார். இதையடுத்து ஹர்லியை விட்டு அவர் பிரிந்தார். முதலில் அருண் நாயரை பிரியப் போவதில்லை என்று ஹர்லி கூறி வந்தார். பின்னர் அவரும் பிரிந்துவிட்டார். தற்போது வார்னை மணக்க அவர் சம்மதம் கொடுத்து விட்டார்.

இந்த அறிவிப்பை ஷான் வார்ன், ஒரு ஹோட்டலில் நடந்த இரவு விருந்தின்போது முறைப்படித் தெரிவித்தார். கடந்த ஒரு வருடமாகவே இருவரும் பழகி வருகின்றனர். இந்தப் பழக்கம் அருண் நாயர் வாழ்க்கையில் குண்டைப் போட்டது. ஆனால் தற்போது ஷான் வார்ன் வாழ்க்கையில் புது வசந்தத்தைக் கொண்டு வருகிறது. ஷான் வார்ன் பல பெண்களுடன் பழக்கம் உள்ளவர். பெண்களை வீழ்த்தி தனது வலையில் விழ வைப்பதில் கில்லாடி. இருப்பினும் அவரை தனது வழிக்குக் கொண்டு வந்திருக்கிறார் ஹர்லி.

ஹர்லி தனது கணவர் நாயரிடமிருந்து விவாகரத்து பெற்று விட்டார். அதேபோல ஷான் வார்னும், கடந்த 2006ம் ஆண்டே சிமோனிடமிருந்து விவாகரத்து பெற்றுப் பிரிந்து விட்டார். இப்போது இந்த இருவரும் புது மண வாழ்க்கையில் இணையவுள்ளனர்.

Published On October 2, 2011