உளுந்து, மிளகாய் வத்தல் விலை உயர்வு: கடலை எண்ணெய், பாமாயில் விலை சரிவு

விருதுநகர்: டாலருக்கு நிகரான ரூபாயின் மதிப்பு சரிந்துள்ளதால் உளுத்தம் பருப்பின் விலை மூட்டைக்கு ரூ.200 வரை உயர்ந்துள்ளது. இருப்பு குறைவால் மிளகாய் வத்தல் குவிண்டாலுக்கு ரூ.200 வரை உயர்ந்துள்ளது. கடலை எண்ணெய், பாமாயில் விலை சரிந்துள்ளது.

கர்நாடகா, மகாராஷ்டிரா மாநிலங்களில் இருந்து தமிழகத்திற்கு வரும் புது உளுந்து மழையடிப்பட்ட உளுந்தாக இருப்பதாலும், டாலருக்கு நிகரான இந்திய ரூபாயின் மதிப்பு சரிந்து வருவதாலும் இறக்குமதி பர்மா உளுந்து விலை மூட்டைக்கு ரூ.200 வரை உயர்ந்துள்ளது. உளுந்து விலை (100 கிலோ) லயன் ரூ.4600 லிருநது ரூ.4800 ஆகவும், பார்மா பருவட்டு ரூ.4600 லிருந்து ரூ.4700 ஆகவும், பொடி ரூ.4000லிருந்து ரூ.4200 ஆகவும், உருட்டு உளுந்த பருப்பு ரூ.7000லிருந்து ரூ.7200 ஆகவும், பர்மா பருவட்டு ரூ.6500லிருந்து ரூ.6600 ஆகவும், பொடி ரூ.6000லிருந்து ரூ.6200 ஆகவும், தொளி ரூ.5600லிருந்து ரூ.5800 ஆகவும் உயர்ந்துள்ளது.

ஆந்திராவில் ஏசி குடோன்களில் வத்தல் இருப்பு 15 லட்சம் மூட்டைகளாக குறைந்துள்ளது. மத்திய பிரதேசத்தில் இருந்து வத்தல் இருப்பு போதிய அளவு இல்லை என்பதாலு்ம், பாகிஸ்தானுக்கு வத்தல் ஏற்றுமதி செய்யப்படுவதாலும் வத்தல் குவின்டாலுக்கு ரூ.200 வரை உயர்ந்துள்ளது. வத்தல் சுமார் ரகம் ரூ.8500லிருந்து ரூ.8700 ஆகவும், தரமான வத்தல் ரூ.9800 லிருந்து ரூ.10000 ஆகவும், சங்கரன்கோவில் புதுசு ரூ.9400லிருந்து ரூ.9600 ஆகவும் விலை உயர்ந்துள்ளது.

English summary

Black gram prices have increased and so is red chilli price due to sudden decrease in production. Groundnut oil and palmolien prices have gone down.