தென்காசி நகராட்சியில் 17 வார்டுகளில் திமுக போட்டியிடவில்லை

தென்காசி: தென்காசி நகராட்சியில் உள்ள 33 வார்டுகளில் 17 வார்டுகளில் திமுக போட்டியிடவில்லை.

தென்காசி நகராட்சியில் 33 வார்டுகள் உள்ளன. நகராட்சி பகுதியில் 46,660 வாக்காளர்கள் உள்ளனர். கடந்த உள்ளாட்சி தேர்தலில் திமுகவைச் சேர்ந்த கோமதிநாயகம் நகராட்சி தலைவராக தேர்ந்தெடுக்கப்பட்டார்.

இந்த உள்ளாட்சி தேர்தலில் நகராட்சி தலைவர் பதவிக்கு திமுக சார்பில் சீதாலட்சுமி போட்டியிட்டாலும், 17 வார்டுகளுக்கான கவுன்சிலர் பதவிக்கு அக்கட்சியின் சார்பில் யாரும் போட்டியிடவில்லை.

3,4,9,10,16,17,18,19,21,22,23,24,25,29,30,31,32 ஆகிய 17 வார்டுகளில் திமுக வேட்பாளர்கள் போட்டியிடவில்லை. உள்ளாட்சி தேர்தலில் திமுக தனித்து போட்டியிடும் என்று அக்கட்சியின் தலைவர் கருணாநிதி அறிவித்தார். ஆனால் தென்காசி நகராட்சி தேர்தலில் அந்த அறிவிப்பினை கட்சி நிர்வாகிகள் செயல்படுத்தவில்லையே என்ற தொண்டர்கள் ஆதங்கப்படுகின்றனர்.

29வது வார்டில் அதிமுக போட்டியிடவில்லை. நகராட்சி தலைவர் பதவி மற்றும் 9 வார்டுகளில் பாஜக வேட்பாளர்கள் களத்தில் உள்ளனர். தலைவர் பதவி தவிர்த்து காங்கிரஸ் 15 வார்டுகளிலும், தேமுதிக 19 வார்டுகளிலும் போட்டியிடுகின்றன.

English summary

DMK is not contesting in 17 out of 33 wards in Tenkasi municipality elections. Similarly ADMK avoids 29th ward. DMDK and Congress are contesting in 19 and 15 wards respectively.