சன் டிவி, ஸ்பைஸ் ஜெட், அப்பல்லோ மருத்துவமனை பங்குகள் விலை கடும் சரிவு
மும்பை: ஏர்செல்-மேக்ஸிஸ் விவகாரத்தில் முன்னாள் மத்திய அமைச்சர் தயாநிதி மாறனின் வீடுகள், அலுவலகங்கள் மற்றும் சன் டிவி அலுவலகத்திலும் சிபிஐ சோதனை நடத்தியதையடுத்து மும்பை பங்குச் சந்தையில் இன்று சன் டிவி நிறுவன பங்குகள் பெரும் சரிவை சந்தித்தன.
இன்றைய வர்த்தக நேர துவக்கத்தில் சன் டிவியின் பங்குகள் விலை 7 சதவீதம் சரிந்து 244க்கு விற்பனையானது. பங்குச்சந்தை துவங்கிய சில நிமிடங்களில் சன்டிவியின் 2 லட்சம் பங்குகள் விற்பனைக்கு வந்தன. இதனால் மேலும் வீழ்ச்சியடையும் நிலை உள்ளது.
சன் குழுமத்தின் ஸ்பைஸ் ஜெட் பங்குகள் விலை 3 சதவீதம் சரிவுக்குள்ளானது.
அதே போல இந்த விவகாரத்தில் சுனிதா ரெட்டியின் வீடு மற்றும் அலுவலகமும் சிபிஐ சோதனைக்கு உள்ளானதையடுத்து, அவர் செயல் அதிகாரியாக பதவி வகிக்கும் அப்போலோ ஹாஸ்பிடல்ஸ் நிறுவனத்தின் பங்குகளும் 1.5 சதவீதம் அளவுக்கு விலை குறைந்தன.
Click it and Unblock the Notifications
Sign in with Google