அத்வானியின் ரத யாத்திரை: ரூட் மேப்

வாரனாசி: ஊழல், கருப்புப் பணத்துக்கு எதிரான பாஜக தலைவர் அத்வானியின் ரத யாத்திரை கடந்த 11ம் தேதி பீகாரில் துவங்கி இன்று உத்தரப்பிரதேச மாநிலத்தில் உள்ள வாரணாசியை அடைந்தது.

ஜன் சேத்னா ரத் யாத்ரா என்ற பெயரிடப்பட்டுள்ள இந்த யாத்திரை 38 நாட்கள் நடக்கவுள்ளது. கிட்டத்தட்ட 12,000 கி.மீ. தூரம் அத்வானி பயணம் செய்யவுள்ளார். தினந்தோறும் சுமார் 300 கி.மீ. தூரம் பயணம் செய்யவுள்ள அத்வானி, 23 மாநிலங்கள், 4 யூனியன் பிரதேசங்களில் யாத்திரை மேற்கொள்கிறார்.

பிகாரின் சிதாப்தியாரா என்ற இடத்திலிருந்து அத்வானியின் யாத்திரை கடந்த 11-ம் தேதி தொடங்கியது. இது சோஷலிசவாதியான ஜெயப்பிரகாஷ் நாராயண் பிறந்த இடமாகும். அத்வானியின் ரத யாத்திரையைத் பிகார் முதல்வர் நிதீஷ்குமார் தொடங்கி வைத்தார். யாத்திரையின் மூன்றாம் நாளான இன்று அத்வானி உத்தரபிரதேச மாநிலத்தில் உள்ள வாரனாசியை அடைந்துள்ளார்.

அத்வானியின் ரத யாத்திரை 6 கட்டங்களாக நடக்கிறது. தினமும் காலை 10 மணிக்கு தொடங்கி இரவு 10 மணி வரை அவர் ரத யாத்திரை மேற்கொள்கிறார். மொத்தம் 100 மாவட்டங்கள் வழியாக அவர் செல்கிறார்.

அடுத்த ஆண்டு சட்டமன்றத் தேர்தல் நடக்கவுள்ள உத்தரப் பிரதேசத்தில் மட்டும் 14 நாட்கள் சுற்றுப் பயணம் செய்கிறார். குஜராத்தில் 5 நாட்கள் ரத யாத்திரை மேற்கொள்கிறார். இந்த யாத்திரையின்போது அத்வானி அயோத்தி, சோம்நாத் போன்ற நகரங்களுக்கு செல்ல மாட்டார் என்று அறிவிக்கப்பட்டுள்ளது.

Watch Video

குஜராத்தில் அவருடைய ரத யாத்திரையை முதல்வர் நரேந்திர மோடி வரவேற்க உள்ளார்.

அடுத்த மாதம் 20ம் தேதி டெல்லியில் இந்த ரத முடிவடைகிறது. அன்று டெல்லியில் மாபெரும் பொதுக் கூட்டத்துக்கும் பாஜக ஏற்பாடு செய்துள்ளது.

English summary

BJP senior leader LK Advani's Jan Chetna Yatra has reached Varanasi in UP. Through this yatra the party is utilising every opportunity to mobilise the masses and highlight the black money issue and the rampant corruption in the UPA government. The yatra will run for 38 days across the length and breadth of the country.