2வது கட்ட உள்ளாட்சித் தேர்தலில் அமோக வாக்குப் பதிவு- 81 சதவீத வாக்குகள் பதிவு

சென்னை: 2வது கட்ட உள்ளாட்சித் தேர்தலில் நல்ல வாக்குப் பதிவு நடந்துள்ளது. இறுதி நிலவரப்படி 81 சதவீத வாக்குகள் பதிவாகியுள்ளன.

தமிழக உள்ளாட்சி இடங்களுக்கு 2 கட்டமாக தேர்தல் நடத்தப்பட்டது. முதல் கட்ட வாக்குப் பதிவு 17ம் தேதியும், 2வது கட்ட வாக்குப் பதிவு நேற்றும் நடந்தது. முதல் கட்ட வாக்குப் பதிவு சென்னையில் மகா மந்தமாக இருந்தது. மொத்தமாக 77 சதவீத வாக்குகள் முதல் கட்டத்தில் பதிவாகின.

நேற்று நடந்த 2வது கட்ட வாக்குப் பதிவின்போது நல்ல விறுவிறுப்பு காணப்பட்டது. காலை முதலே நல்ல வாக்குப் பதிவு காணப்பட்டது. குறிப்பாக கிராமப்புறங்களில் படு விறுவிறுப்பாக இருந்தது. பெரிய அளவில் வன்முறைச் சம்பவம் ஏதும் இல்லை.

நேற்று நடந்த வாக்குப் பதிவின்போது 81 சதவீத வாக்குகள் பதிவாகியுள்ளன. நாளை உள்ளாட்சித் தேர்தலில் பதிவான வாக்குகள் எண்ணப்படவுள்ளன.

English summary

Nearly 81% votes have been polled in 2nd phase local body election. The votes will be counted tomorrow.