திருச்சி மேற்கில் வெற்றி பெற்ற அதிமுகவின் பரஞ்சோதி எம்.எல்.ஏவாக பதவியேற்றார்

சென்னை: திருச்சி மேற்குத் தொகுதியில் நடந்த இடைத் தேர்தலி்ல வெற்றி பெற்ற அதிமுகவைச் சேர்ந்த மு.பரஞ்சோதி இன்று எம்.எல்.ஏவாக பதவியேற்றுக் கொண்டார்.

திருச்சி மேற்குத் தொகுதியில் நடந்த இடைத் தேர்தலில் அதிமுக சார்பில் போட்டியிட்ட மு.பரஞ்சோதி அபார வெற்றி பெற்றார். கடந்த தேர்தலில் அதிமுக வென்றதை விட இரட்டிப்பு வாக்கு வித்தியாசத்தில் அவர் வென்றார்.

இதையடுத்து சென்னை வந்த அவர் இன்று எம்.எல்.ஏவாக பதவியேற்றுக் கொண்டார்.

சபாநாயகர் அறையில் நடந்த பதவியேற்பு நிகழ்ச்சியில் சபாநாயகர் ஜெயக்குமார், பரஞ்சோதிக்கு பதவிப்பிரமாணம் செய்து வைத்தார். தமிழக அமைச்சர்கள் உள்ளிட்டோர் இதில் கலந்து கொண்டனர்.

English summary

Newly elected Trichy West ADMK MLA Paranjothi took oath today in Speaker's chamber. Speaker Jayakumar administered the oath to Paranjothi.