அமெரிக்காவில் அதிபர் ஒபாமாவின் போட்டியாளர் மீது செக்ஸ் புகார்
வாஷிங்டன்: அமெரிக்காவில், அடுத்த அதிபர் தேர்தலில் பராக் ஒபாமாவுக்கு கடு் போட்டியைக் கொடுக்கக் கூடியவராக உருவெடுத்துள்ள குடியரசுக் கட்சியைச் சேர்ந்த ஹெர்மன் கெய்ன் மீது செக்ஸ் புகார் எழுந்துள்ளது. ஆனால் அதை அவர் மறுத்துள்ளார்.
2012 ஆண்டு டிசம்பர் மாதம் அமெரிக்காவில் நடைபெற உள்ள அதிபர் தேர்தலில் குடியரசுக்கட்சி சார்பில் வேட்பாளராகப் போட்டியிட களம் இறங்கவுள்ளார் ஹெர்மன் கெய்ன்.
65 வயதாகும் கெய்ன் தற்போதைய அமெரிக்க அதிபர் பாரக் ஒபாமாவுக்குக் கடும் போட்டியைக் கொடுப்பார் என்று கருதப்படுகிறது. இந்த நிலையில் அவர் மீது இரண்டு பெண்கள் செக்ஸ் புகார் கூறியுள்ளனர். கடந்த 1990-ஆம் ஆண்டு தேசிய ஹோட்டல்கள் சங்கத் தலைவராக கெய்ன் இருந்தபோது தங்களுடன் செக்ஸ் உறவு வைத்துக்கொண்டதாக அவர்கள் புகார் கொடுத்துள்ளனர்.
ஆனால் இந்த புகாரை ஹெர்மன் கெய்ன் திட்டவட்டமாக மறுத்துள்ளார். இது அடிப்படை ஆதாரமற்றது என்று கூறியுள்ள கெய்ன் தெரிவித்துள்ளார். தன்னுடைய நாற்பதாண்டு தொழில் வாழ்க்கையில் இதுவரை எந்த வித ஊழலோ, செக்ஸ் குற்றச்சாட்டோ தன் மீது எழுந்ததில்லை என்று தெரிவித்துள்ளார்.
அதிபர் தேர்தலில் தான் போட்டியிட விடாமல் தடுப்பதற்காக இதுபோன்ற அபாண்டமான குற்றச் சாட்டுகளை எதிர்கட்சியினர் கிளப்பி விடுவதாக அவர் கூறியுள்ளார்.
அதேசமயம், இந்த செக்ஸ் குற்றச்சாட்டு கெய்ன் மீதான நல்ல இமேஜை குலைக்கும் செயல் என்று அரசியல் நோக்கர்கள் கருத்துக் கூறியுள்ளனர்.