பெருநகரங்களில் டெல்லியில் பெட்ரோல் விலை குறைவு- பெங்களூரில் அதிகம்

டெல்லி: தற்போதைய பெட்ரோல் விலை உயர்வுக்குப் பின்னர், இந்தியாவில் உள்ள பெருநகரங்களில் டெல்லியில்தான் பெட்ரோல் விலை சற்று குறைவாக உள்ளது. பெங்களூரில்தான் அதிக அளவில் உள்ளது.

கடந்த ஜனவரி மாதத்திலிருந்து இத்தோடு 4வது முறையாக எண்ணெய் நிறுவனங்கள் பெட்ரோல் விலையை உயர்த்தி விட்டன. நேற்று நள்ளிரவு முதல் புதிய பெட்ரோல் விலை அமலுக்கு வந்துள்ளது.

தற்போதைய விலை உயர்வுக்குப் பின்னர் நாட்டின் பெருநகரங்களிலேயே டெல்லியில்தான் விலை சற்று குறைவாக உள்ளது. அங்கு ஒரு லிட்டர் பெட்ரோல் விலை ரூ. 68.84 ஆக உள்ளது. சென்னையில் ரூ. 71.16 ஆகவும், கொல்கத்தாவில் ரூ. 71.98 ஆகவும், மும்பையில் ரூ. 73.71 ஆகவும், பெங்களூரில் ரூ. 75.64 ஆகவும் உள்ளது.

கடந்த ஜனவரி மாதம் 16ம் தேதி பெட்ரோல் விலை முதல் முறையாக ரூ. 3.50 உயர்த்தப்பட்டது. பின்னர் மே 15ம் தேதி 5 ரூபாயாக உயர்த்தினர். பிறகு செப்டம்பர் 16ம் தேதி ரூ. 3.14 ஆக விலை உயர்ந்தது. தற்போது 4வது முறையாக பெட்ரோல் விலையை உயர்த்தியுள்ளனர்.

English summary

After the midnight hike, Petrol will now cost Rs. 68.84 a litre in Delhi, Rs. 71.16 a litre in Chennai, Rs. 73.71 in Mumbai, Rs. 71.98 in Kolkata and Rs. 75.64 in Bangalore. The three major state-owned oil companies - Indian Oil, HPCL and Bharat Petroleum - had last hiked petrol prices by Rs. 3.14 a litre on September 16. Prices were first raised this year by Rs. 3.5 per litre on January 16 and by Rs. 5 per litre on May 15.