பிக் பாஸ் ரியாலிட்டி ஷோவில் சுவாமி அக்னிவேஷ்

டெல்லி: பிக் பாஸ் 5 ரியாலிட்டி ஷோவில் தற்போது புதிதாக சேர்ந்துள்ளார் சமூக ஆர்வலர் சுவாமி அக்னிவேஷ்.

பிக் பாஸ் 5 ரியாலிட்டி ஷோ நடந்து கொண்டிருக்கிறது. இதில் புது வரவு சமூக ஆர்வலர் சுவாமி அக்னிவேஷ்(72). அவர் இன்று பிக் பாஸ் 5 நடக்கும் வீட்டிற்கு செல்கிறார்.அந்த வீட்டில் ஏற்கனவே மாடல் ஷ்ரத்தா ஷர்மா, முன்னாள் மிஸ் ஆப்கானிஸ்தான் விதா சமத்சாய், வீ.ஜே. பூஜா மிஸ்ரா, பூஜா பேடி, ஜூஹி பர்மார், ஷோனாலி நாக்ராணி, மகேஹ் சஹால், லக்ஷ்மி நாராயண் த்ரிபாதி, அமர் உபத்யாய், ஆகாஷ்தீப் சாய்கல் மற்றும் சித்தார்த் பரத்வாஜ் உள்ளனர்.

சமுதாயத்தில் பெண் குழந்தைகளின் அவல நிலை குறித்து பெண்கள் மத்தியில் விழிப்புணர்வு ஏற்படுத்தத் தான் தான் பிக் பாஸ் வீட்டிற்கு செல்வதாக அக்னிவேஷ் தெரிவித்தார்.

இது குறித்து அவர் மேலும் கூறியதாவது,

பிக் பாஸ் வீட்டில் இருக்கும் பெண்களுக்கு எந்த சமூக பொறுப்பும் இருப்பதாகத் தெரியவில்லை. கருவிலேயே எத்தனை பெண் சிசுக்கள் அழிக்கப்படுகிறது, சதி என்ற பெயரில் எத்தனை பெண்கள் உயிருடன் எரிக்கப்படுகின்றனர் என்று அந்த பெண்களுக்கு நான் புரியவைப்பேன்.

நான் இந்த நிகழ்சசியில் கலந்து கொள்ளவா என்று கேட்டதற்கு 90 சதவீதம் பேர் வேண்டாம் என்றார்கள். ஆனால் நான் இதை ஒரு சவாலாக எடுத்துக் கொண்டு இந்த நிகழ்ச்சியில் கலந்து கொள்கிறேன் என்றார்.

கடந்த சில நாட்களுக்கு முன்பு தான் ஊழலுக்கு எதிராகப் போராடும் அன்னா குழு மீது சுவாமி அக்னிவேஷ் ஊழல் குற்றம் சுமத்தினார் என்பது குறிப்பிடத்தக்கது.

English summary

Social activist Swami Agnivesh is the latest entrant into the Big Boss 5. He considers this opportunity as a challenge and will use this to create awareness among the women about the pathetic condition of the girl child in the society.