உயர் ரத்த அழுத்தத்தால் பாதிப்பு: அமைச்சர் ஜி.கே.வாசன் மருத்துவமனையில் அனுமதி

சென்னை: மத்திய அமைச்சர் ஜி.கே.வாசன் ரத்த அழுத்தப் பிரச்சினை காரணமாக சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.

மத்திய அமைச்சர் ஜி.கே.வாசன் சென்னை ஆழ்வார்பேட்டையில் உள்ள அவரது வீட்டில் இருந்தார். நேற்றிரவு சுமார் 10.30 மணி அளவில் அவருக்கு திடீர் என்று ரத்த அழுத்தம் அதிகமானது. உடனே அவரை ஆயிரம் விளக்கு அப்பல்லோ மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டது.

அதன் பிறகே அவர் இயல்பு நிலைக்கு திரும்பினார். இதையடுத்து இன்று காலையில் அவருக்கு முழு உடல் பரிசோதனை செய்யப்பட்டது. தற்போது அவர் நலமாக இருப்பதாக அவருக்கு சிகிச்சை அளிக்கும் மருத்துவர்கள் தெரிவித்தனர்.

ஜிகே வாசன் மருத்துவமனையில் இருப்பது பற்றி தெரிந்தவுடன் தமிழக காங்கிரஸ் தலைவர் ஞானதேசிகன் மருத்துவமனைக்கு சென்று நலம் விசாரித்தார்.

English summary

Central minister GK Vasan is hospitalised as he had high BP last night. Now he is doing well. Congress leader Gnandesikan has met him in the hospital.