அமெரிக்காவில் 18 வயது பள்ளி மாணவர் மேயராக தேர்வு

நியூயார்க்: அமெரிக்காவில் 18 வயதே நிரம்பிய பள்ளி மாணவர் ஒருவர் மேயராக தேர்வு செய்யப்பட்டுள்ளார். ஆர்டால் என்ற சிறிய நகரத்தின் மேயராக வெற்றி பெற்றுள்ள மாணவருக்கு நாட்டின் பல பகுதிகளில் இருந்தும் வாழ்த்துக்கள் குவிகின்றன.

அமெரிக்காவின் அயோவாவில் உள்ள ஆர்டால் என்ற சிறிய நகரத்திற்கான மேயர் தேர்தல் சமீபத்தில் நடைபெற்றது. இந்த தேர்தலில் தற்போதய மேயர் விர்ஜில் ஹோமரை எதிர்த்து ஹாம்டன் துமாந்த் உயர்நிலைப்பள்ளியில் படித்து வரும் ஜெர்மி மின்னியர் என்ற 18 வயது மாணவர் போட்டியிட்டார்.

மாணவர் மின்னியருக்கு அமோக ஆதரவு பெருகியது. உள்ளூர் தொலைக்காட்சி ஒன்றும் மின்னியருக்கு ஆதரவாக வாக்கு சேகரித்தது. பலமான போட்டி நிலவிய நிலையிலும் தன்னை எதிர்த்து போட்டியிட்ட விர்ஜில் ஹோமரை விட 24 வாக்குகள் அதிகம் பெற்று ஜெர்மி மின்னியர் வெற்றி பெற்றார். மாணவர் மின்னியருக்கு அவர் தங்கியுள்ள ஆர்டால் பகுதி மக்கள் அமோகமாக ஓட்டளித்து உள்ளனர்.

தந்தையும் மேயர்தான்

ஆர்டால் நகரின் மேயராக இருந்த விர்ஜில் ஹோமர் சரியாக நலப்பணிகளை செய்யவில்லை, நகரினை கண்டு கொள்ளவில்லை என்ற குற்றச்சாட்டு இருந்தது. இதன் காரணமாகவே அவரை தோற்கடித்துவிட்டு மின்னியரை வெற்றி பெறச்செய்துள்ளனர். மின்னியர் வருகிற ஜனவரி 3-ந்தேதி மேயர் ஆக பதவி ஏற்கிறார். மாணவர் மின்னியரின் தந்தையும் முன்னாள் மேயர் என்பது குறிப்பிடத்தக்கது. தந்தையின் பெருமையை மின்னியர் தக்கவைத்து கொள்ளவாரா என்ற எதிர்பார்ப்பு இப்போதே எழுந்துள்ளது. 18 வயது மேயருக்கு பல பகுதிகளில் இருந்தும் வாழ்த்துக்கள் குவிந்து வருகின்றன.

English summary

An 18-year-old US boy has been elected as mayor of Aredale in Iowa. Jeremy Minnier of Hampton Dumont High School was elected on Tuesday with 24 write-in votes, defeating incumbent Mayor Virgil Homer.