2ஜி ஸ்பெக்ட்ரம் நஷ்டம் ரூ. 1.76 லட்சம் கோடி தான்-சிஏஜி வினோத் ராய் மீண்டும் திட்டவட்டம்

டெல்லி: 2ஜி ஸ்பெக்ட்ரம் ஒதுக்கீட்டால் ஏற்பட்ட நஷ்டத்தின் அளவு தொடர்பான சிஏஜி அலுவலகத்தின் அறிக்கையில் எந்த மாற்றமும் இல்லை. அதில் கூறப்பட்டுள்ள நஷ்டத் தொகையை நான் மீண்டும் உறுதிபடத் தெரிவிக்கிறேன் என்று தலைமைக் கணக்கு அதிகாரி வினோத் ராய் கூறியுள்ளார்.

இதுகுறித்து இன்று அவர் பேசுகையில்,

2ஜி ஸ்பெக்ட்ரம் ஒதுக்கீடு தொடர்பான விவகாரத்தில் எனக்கோ அல்லது எனது அலுவலகத்திற்கோ எந்தவிதமான நெருக்கடியும் வரவில்லை. யாரும் நெருக்கடி தரவில்லை.

சிஏஜியின் மதிப்பீடு மற்றும் கணக்கீடு குறித்த தகவல்களை நாங்கள் பொதுக் கணக்குக் குழுவுக்கோ அல்லது வேறு யாருக்குமோ தரவில்லை. அதை யாரிடமும் பகிர்ந்து கொள்ளவும் முடியாது. இதை நாங்கள் பிஏசியிடமே தெரிவித்துள்ளோம்.

சிஏஜி அமைப்பை பலவீனப்படுத்த பல தரப்பிலும் முயற்சிகள் நடந்து வருகின்றன. ஆனால் அதற்கு நாங்கள் பணிய மாட்டோம். எங்களது கடமையை தொடர்ந்து செய்வோம்.

இந்த அமைப்பின் பாரம்பரியம் பலவீனமாக நாங்கள் அனுமதிக்க மாட்டோம். இத்தனை முயற்சிகளுக்குப் பிறகும் கூட நாங்கள் தொடர்ந்து வலுவாகவே இருக்கிறோம்.

English summary

CAG Vinodh Rai has asserted that the loss amount of 2G Scam is Rs. 1.76 lakh cr. He said that, there was no pressure from any part in 2g report issue. He further stated that, no information of CAG will be shared with anybody including PAC. 2G loss is Rs. 1.76 lakh cr, asserts CAG Vinodh Rai