விஜயகாந்த் பேச்சையும் லைவ் செய்யாத கேப்டன் டிவி!
சென்னை: தேமுதிக தலைவர் விஜயகாந்த் கட்சியினர் புடை சூழ உண்ணாவிரதம் இருந்த நிகழ்ச்சியை நேரடியாக ஒளிபரப்பவில்லை கேப்டன் டிவி. அதேபோல உண்ணாவிரதம் முடிவடையும் தருவாயில் அவர் பேசியதையும் அது காட்டவில்லை. மாறாக காலையிலிருந்து முடி கொட்டுவதைத் தடுக்கும் தைலம், வழுக்கையை விரட்டும் தைலம், மார்பகப் பெருக்கம் குறித்த உடற்பயிற்சி சாதனம் குறித்த விளம்பரங்களை மாறி மாறி ஒளிபரப்பு செய்து வந்தது.
தேமுதிக தலைவர் விஜயகாந்த் இன்று சென்னையில் உண்ணாவிரதம் இருந்தார். அவருடன் அவரது மனைவி பிரேமலதா விஜயகாந்த், மச்சான் சுதீஷ், தேமுதிக அவைத் தலைவர் பண்ருட்டி ராமச்சந்திரன், எம்.எல்.ஏக்கள் உள்ளிட்டோரும் உண்ணாவிரதம் இருந்தனர்.
இந்த நிகழ்ச்சி தமிழகம் முழுவதும் பரபரப்பாக பேசப்பட்ட நிலையில் கேப்டன் டிவியில் அதுகுறித்த நேரடி ஒளிபரப்பு இருக்கும் என்று எதிர்பார்க்கப்பட்டது. விஜயகாந்த் தவிர பிற மாவட்டங்களில் நடந்து வரும் உண்ணாவிரதம் குறித்த செய்திகளையும் கூட விரிவாக காட்டுவார்கள் என எதிர்பார்க்கப்பட்டது.
இருப்பினும் காலை முதலே விளம்பரங்களையும், பிற நிகழ்ச்சிகளையும்தான் ஒளிபரப்பினார்கள். அவ்வப்போது உண்ணாவிரதம் இருக்கும் படத்தைக் காட்டினார்கள். பின்னர் அதையும் காணோம்.
மாலையில் விஜயகாந்த் பேசினார். அதையும் நேரடியாக ஒளிபரப்பவில்லை கேப்டன் டிவி. டிக்கர் கூட போடவில்லை. வழக்கம் போல உடல் பருமனைக் குறைப்பது, ஸ்லிம்மாக தோற்றம் அளிப்பது எப்படி, தலைமுடி உதிர்வதைத் தடுப்பது எப்படி போன்ற விளம்பரங்களைக் காட்டிக் கொண்டிருந்தனர்.
Click it and Unblock the Notifications
Sign in with Google