போஸ் நீக்கம்-மதுரை மாவட்ட அதிமுக செயலாளராக அமைச்சர் செல்லூர் ராஜு நியமனம்

Published: Wednesday, November 30, 2011, 11:09 [IST]

Subscribe to Oneindia Tamil

மதுரை: மதுரை மாநகர் அதிமுக செயலாளர் பதவிக்கு கூட்டுறவுத் துறை அமைச்சர் செல்லூர் ராஜு நியமிக்கப்பட்டுள்ளதாக அதிமுக பொதுச் செயலாளரும், தமிழக முதல்வருமான ஜெயலலிதா அறிவித்துள்ளார்.

இது குறித்து அவர் வெளியிட்ட அறிக்கையில் கூறியிருப்பதாவது,

ராமநாதபுரம் மாவட்ட அதிமுக செயலாளர் பொறுப்பிலிருந்து முதுகுளத்தூர் எம்.எல்.ஏ. முருகன் விடுவிக்கப்பட்டு அந்த பொறுப்பை மாவட்ட ஊராட்சி குழு உறுப்பினர் ஆணிமுத்து ஏற்கிறார். சட்டமன்ற உறுப்பினர் முருகன் வகித்து வரும் முதுகுளத்தூர் பேரூராட்சி செயலாளர் பொறுப்பில் தொடர்ந்து செயலாற்றுவார்.

மதுரை மாநகர் அதிமுக செயலாளர் பொறுப்பிலிருந்து மதுரை வடக்கு எம்.எல்.ஏ. போஸ் விடுவிக்கப்படுகின்றார். அந்த பொறுப்புக்கு கூட்டுறவுத் துறை அமைச்சர் செல்லூர் ராஜு நியமிக்கப்படுகிறார் என்று அந்த அறிக்கையில் தெரிவிக்கப்பட்டுள்ளது.

Published On November 30, 2011