அருந்ததியர் உள் இடஒதுக்கீடு விவகாரம்: டாக்டர் கிருஷ்ணசாமிக்கு எதிராக கண்டன போஸ்டர்

மதுரை: அருந்ததியர் உள் இடஒதுக்கீடு விவகாரத்தில் புதிய தமிழகம் தலைவர் டாக்டர் கிருஷ்ணசாமியை கண்டித்து மதுரை, கரூர், சேலம், கோவை உள்ளிட்ட முக்கிய நகரங்களில் போஸ்டர் ஒட்டப்பட்டுள்ளது.

அந்த கண்டன போஸ்டரில் கூறப்பட்டுள்ளதாவது,

பரமக்குடி துப்பாக்கிச் சூட்டை கண்டித்தும், ஜெயலலிதாவை எதிர்த்தும் போரிட வக்கில்லாத கிருஷ்ணசாமியே, டாக்டர் கலைஞர் அமல்படுத்தினார் என்றே ஒரே காரணத்திற்காக அருந்ததியர் உள் இடஒதுக்கீட்டை எதிர்த்து போரிடுவது எந்த விதத்தில் நியாயம். இப்படிக்கு, தலித் பாண்டியன், தலித் வன்கொடுமை தடுப்பு இயக்கம், என்று அச்சிடப்பட்டு உள்ளது.

இந்த போஸ்டர் தலித் மக்களிடையே கடும் பரபரப்பை ஏற்படுத்தியுள்ளது. இந்த போஸ்டர் விவகாரத்தில் டாக்டர் கிருஷ்ணசாமி இதுவரை கருத்தோ அல்லது கண்டமோ தெரிவிக்கவில்லை என்பது குறிப்பிடதக்கது.

English summary

Posters condemning Puthiya Tamilagam leader Dr. Krishnasamy have been displayed in Madurai, Karur, Salem, Coimbatore. Dr. Krishnasamy has neither commented nor condemned these posters.