நாளை திமுக பொதுச் செயலாளர் க. அன்பழகனுக்கு வயது 90: கருணாநிதி வாழ்த்து!

சென்னை: திமுக பொதுச் செயலாளர் க. அன்பழகனின் 90வது பிறந்தநாளை முன்னிட்டு அவருக்கு அக்கட்சியின் தலைவர் கருணாநிதி வாழ்த்து தெரிவித்துள்ளார்.

இது குறித்து தென்சென்னை மாவட்ட திமுக செயலாளர் ஜெ.அன்பழகன், வடசென்னை மாவட்ட பொறுப்பாளர் ஆர்.டி.சேகர் ஆகியோர் வெளியிட்டுள்ள அறிக்கையில் கூறியிருப்பதாவது,

தி.மு.க. பொதுச்செயலாளர் பேராசிரியர் அன்பழகன் 90வது பிறந்தநாளையொட்டி 19ம் தேதி (திங்கட்கிழமை) காலை 7.30 மணியளவில் காமராஜர் சாலையில் உள்ள அண்ணா நினைவிடத்தில் மலர்வளையம் வைத்து மரியாதை செலுத்துகிறார்.

இதைத் தொடர்ந்து காலை 8 மணியளவில் பெரியார் திடலில் உள்ள பெரியார் நினைவிடத்திற்கு சென்று மலர்வளையம் வைத்து மரியாதை செலுத்துகிறார். பின்னர் சென்னை கீழ்ப்பாக்கம் ஆஸ்பிரான் தோட்டத்தில் உள்ள அவரது இல்லத்தில் 9 மணியளவில் திமுக முன்னோடிகள் மற்றும் தொண்டர்களை சந்தித்து வாழ்த்துக்களை பெற்றுக்கொள்கிறார்.

இவ்வாறு அந்த அறிக்கையில் கூறப்பட்டுள்ளது.

திமுக தலைவர் கருணாநிதி கட்சியின் பொதுச் செயலாளர் க. அன்பழகனின் 90வது பிறந்தநாளை முன்னிட்டு வாழ்த்து தெரிவித்துள்ளார்.

English summary

DMK general secretary K. Anbazhagan is celebrating his 90th birthday tomorrow. Party chief Karunanidhi has wished him ahead of his birthday.