சேலத்தில் சசிகலா ஆதரவு அதிமுக செயலாளர்கள் இருவர் நீக்கம்

Published: Friday, January 6, 2012, 9:58 [IST]

Subscribe to Oneindia Tamil

சென்னை: சசிகலா குரூப்புக்கு ஆதரவான இரு அதிமுக செயலாளர்களை கட்சிப் பொறுப்புகளிலிருந்து அதிமுக பொதுச் செயலாளரும், முதல்வருமான ஜெயலலிதா தூக்கி கடாசியுள்ளார்.

சசிகலாவுக்கு நெருக்கமானவர்களை வேரறுத்து வருகிறார் ஜெயலலிதா. அந்த வரிசையில் சமீபத்தில் கோவை மாநகராட்சியின் துணை மேயர் பதவியிழந்தார். இந்தநிலையில் சேலம் மாவட்டத்தைச் சேர்ந்த இருவர் கட்சியை விட்டு நீக்கப்பட்டுள்ளனர்.

இதுதொடர்பாக ஜெயலலிதா விடுத்துள்ள அறிக்கையில்,

அதிமுகவிலிருந்து சேலம் மேற்கு சட்டமன்றத் தொகுதி செயலாளர் கே.சி. செல்வராஜ் மற்றும் சேலம் மாநகர் மாவட்ட செயலாளர் வெங்கடாசலம் நீக்கப்பட்டுள்ளனர்.

இவர்கள் இருவரும் அனைத்துப் பொறுப்புகளிலிருந்து விடுவிக்கப்படுகின்றனர். இவர்களிடம் அதிமுகவினர் யாரும் தொடர்பு வைத்துக் கொள்ளக் கூடாது என்று அதில் தெரிவித்துள்ளார் ஜெயலலிதா.

Published On January 6, 2012