மாதுரிக்கு லண்டன் மியூசியத்தில் மெழுகுசிலை?

மும்பை: லண்டனில் உள்ள மேடம் டுஸாட் மியூசியத்தில் விரைவில் மாதுரி தீக்ஷித்தின் மெழுகுச் சிலை இடம் பெற உள்ளது. இந்த தகவலை டுவிட்டர் மூலம் மாதுரியே தெரிவித்துள்ளார்.

லண்டனில் பிளாக்பூல் பகுதியில் புகழ் பெற்ற மெழுகு சிலை மியூசியமான மேடம் டுஸாட் உள்ளது. இங்கு உலக தலைவர்கள் மற்றும் பிரபல நடிகர், நடிகைகளின் முழு உருவ மெழுகு சிலைகள் இடம்பெற்றுள்ளன. இந்தி திரைப்பட நடிகர்களான அமிதாப்பச்சன், ஷாருக்கான், சல்மான்கான், ஹிருத்திக் ரேஷன், ஐஸ்வர்யா ராய் போன்றோரின் மெழுகு சிலைகள் இந்த மியூசியத்தில் வைக்கப்பட்டுள்ளது. கடந்த சில மாதங்களுக்கு முன் நடிகை கரீனாகபூரின் மெழுகு சிலையும் இங்கு நிறுவப்பட்டது.

இந்த வரிசையில் 90 களில் பாலிவுட் உலகின் கனவுக்கன்னியாக வலம் வந்த நடிகை மாதுரி தீக்ஷித்தின் மெழுகு பொம்மை நிறுவப்பட உள்ளது. இது குறித்து டுவிட்டரில் மகிழ்ச்சியுடன் பகிர்ந்து கொண்டுள்ள மாதுரி, ஆதரவு அளித்த அனைவருக்கும் நன்றி தெரிவித்துள்ளார்.

English summary

The Dhak Dhak girl is all set to get her own wax statue in the famed Madame Tussauds museum of London only months after Kareena got her own! The actress recently confirmed the news through her Twitter account. "Madame Tussaud's made the announcement and I am confirming it. Will be in London in March to introduce my likeness!Thanks for all ur support," she tweeted.