பியான்ஸ் நோல்ஸுக்கு பெண் குழந்தை: மருத்துவமனையை புரட்டிப் போட்ட தம்பதி

லண்டன்: கடந்த 7ம் தேதி தாயாகிய பிரபல பாப் பாடகி பியான்ஸ் நோல்ஸ் மற்றும் அவரது கணவரும் குழந்தை பிறப்பதற்குள் மருத்துவமனையை பாடாய்படுத்தி இரண்டாக்கி விட்டனராம்.

கர்ப்பமாக இருந்த பிரபல பாப் பாடகி பியான்ஸ் மேன்ஹாட்டனில் உள்ள லெனாக்ஸ் ஹில் மருத்துவமனையில் பிரசவத்திற்காக அனுமதிக்கப்பட்டார். இதையடுத்து தான் தங்கியிருந்த முழு தளத்தையும் 1.3 மில்லியன் அமெரிக்க டாலர் கொடுத்து வாடகைக்கு எடுத்தார்.

அவருக்கு பிரசவம் நடக்கும் நாளன்று தான் இருந்த தளத்தில் உள்ள ஐசியு பிரிவில் அனுமதிக்கப்பட்ட அனைத்து நோயாளிகளையும் வெளியேற்ற பியான்ஸும், அவரது கணவர் ஜேவும் திட்டமிட்டனர். இதனால் நோயாளிகளும், அவரது உறவினர்களும் எரிச்சல் அடைந்தனர்.

இந்நிலையில் ஒரு வழியாக கடந்த 7ம் தேதி பெண் குழந்தையை பெற்றெடுத்தார். அவருக்கு பிரசவம் முடியும் வரை அந்த தளத்தில் யாரையும் அனுமதிக்கவில்லை என்று கூறப்படுகின்றது.

உலகத்தில் இல்லாத அதிசயப் பிள்ளையை இவர் தான் பெற்றெடுக்கிறாரா என்று மருத்துவமனையில் அனுமதிக்கப்பட்டிருந்தவர்களும், அவர்களது உறவினர்களும் கடுப்பாகிவிட்டனர்.

பியான்ஸ் செய்தது ஆனாலும் கொஞ்சம் 'பியான்ட் தி லிமிட்'தான்...!

English summary

Famous pop singers Beyonce Knowles and Jay-Z caused a hovoc at Lenox Hill hospital in Manhattan during her delivery. The couple rented the whole floor for $ 1.3 million till she stayed there.