நாகி ரெட்டி நூற்றாண்டு விழா - சிறந்த திரைப்படங்களுக்கான விருதுகள் பெற விண்ணப்பங்கள் வரவேற்பு
சென்னை: மறைந்த திரைப்படத் தயாரிப்பாளர் நாகி ரெட்டியின் நூற்றாண்டு விழாவையொட்டி சிறந்த திரைப்படங்களுக்கான விருதுகள் பெற விண்ணப்பங்கள் வரவேற்கப்படுகின்றன.
இதுகுறித்து விஜயா குழுமம் வெளியிட்டுள்ள அறிக்கையில் கூறியிருப்பதாவது,
விஜயா மருத்துவம், கல்வி அறக்கட்டளை நிறுவனங்கள் நாகி ரெட்டியின் நூற்றாண்டு விழாவையொட்டி சிறந்த தமிழ், தெலுங்கு திரைப்படங்களுக்கு படங்களுக்கு விருதுகள் வழங்க தீர்மானிக்கப்பட்டுள்ளது.
அதன்படி கடந்த ஆண்டில்(2011) தணிக்கை செய்யப்பட்டு வெளியான தமிழ், தெலுங்குப் படங்களில் இருந்து சிறந்த பொழுதுபோக்குத் திரைப்படங்கள் தேர்ந்தெடுக்கப்பட்டு விருதுகள் வழங்கப்பட உள்ளன.
தேர்வு செய்யப்படும் படத்துக்கு சிறந்த திரைப்படத்திற்கான விருதும், ரூ.1.5 லட்சம் பண முடிப்பும் வழங்கப்படும். தெலுங்குப் படங்களுக்கான விருது வழங்கும் நிகழ்ச்சி வரும் ஏப்ரல் 1ம் தேதி ஹைதராபாத் நகரிலும், தமிழ்ப் படங்களுக்கான விருது வழங்கும் நிகழ்ச்சி மே 1ம் தேதி சென்னையிலும் நடைபெற உள்ளது.
சிறந்த படத்திற்கான விருது பெற விரும்பும் திரைப்படத் தயாரிப்பாளர்கள், அடுத்த மாதம் (பிப்ரவரி) 15ம் தேதிக்குள் விண்ணப்பங்களை அனுப்ப வேண்டும் என்று அந்த அறிக்கையில் தெரிவிக்கப்பட்டுள்ளது.
Click it and Unblock the Notifications
Sign in with Google