உபி தேர்தல்: பாஜகவின் 'ஒய் திஸ் ஊழல், ஒய் திஸ் ஊழல் ஜி'!
டெல்லி: உத்தர பிரதேசத்தில் தேர்தல் பிரச்சாரத்தில் பாஜக, தனுஷின் கொலவெறி பாடல் வரிகளை மாற்றி ஊழலுக்கு எதிரான பாடலாகப் பயன்படுத்துகிறது.
3 படத்திற்காக தனுஷ் பாடிய 'ஒய் திஸ் கொலவெறி டி' பாடல் என்ன பாடல் என்றே புரியாவிட்டாலும் கூட எப்படியோ உலகப் புகழ் பெற்றுள்ளது. பாலிவுட் பிரலபலங்கள் முதல் அரசியல் கட்சிகளையும் அந்தப் பாடல் கவர்ந்துள்ளது. உத்தரப் பிரதேசத்தில் விரைவில் சட்டசபை தேர்தல் நடக்கவிருக்கிறது. இதற்காக அம்மாநிலத்தில் காங்கிரஸ், பாஜக, ஆளும் பகுஜன் சமாஜ் கட்சி உள்பட பல்வேறு கட்சிகள் தீவிர பிரச்சாரம் செய்து வருகின்றன.
இதில் பாஜக ஊழலுக்கு எதிராகப் பிரச்சாரம் செய்து வருகிறது. அதற்காக கொலவெறிப் பாடல் வரிகளை மாற்றி அதே டியூனில் பயன்படுத்தி வருகிறது. 'ஒய் திஸ் ஊழல், ஒய் திஸ் ஊழல் ஜி' என்று அந்த பாடல் துவங்குகிறது. இது தவிர அந்த பாடலை படமாக்கி அதை பேஸ்புக்கில் வெளியிட்டுள்ளது. இந்த பாடல் இளைஞர்களிடம் பெரும் வரவேற்பை பெறும் என்று அக்கட்சி நம்புகிறது.
பாஜகவின் கொலவெறிப் பாடலை அபீர் வாஜ்பாய் மற்றும் ருச்சி ஆகியோர் பாடியுள்ளனர். இது பிரதமர் மன்மோகன் சிங், காங்கிரஸ் தலைவர் சோனியா காந்தி, காங்கிரஸ் பொதுச் செயலாளர் ராகுல் காந்தி, உத்தர பிரதேச முதல்வர் மாயாவதி, சமாஜ்வாடி கட்சி தலைவர் முலாயம் சிங் யாதவ் ஆகியோரைத் தாக்கிப் பாடுவதாக உள்ளது.
சல்மான் கானின் தபாங் படத்தில் வந்த முன்னி பத்னாம் ஹுய் பாடல் வரிகளை மாற்றி மாயாவதியைத் தாக்கிப் பாடுவதாக அமைக்கவிருக்கின்றனர்.
Click it and Unblock the Notifications
Sign in with Google