குஜராத் சுற்றுலாத் துறை 'பிராண்ட் அம்பாசிடர்' அமிதாப் பச்சனுக்கு நன்றி கூறிய மோடி!
அகமதாபாத்: குஜராத் சுற்றுலாத் துறை பிராண்ட் அம்பாசிடராக இருப்பதற்காக பாலிவுட் நடிகர் அமிதாப் பச்சனுக்கு அம்மாநில முதல்வர் நரேந்திர மோடி நன்றி தெரிவித்துள்ளார்.
அமிதாப் பச்சன் குஜராத் சுற்றுலாத் துறையை விளம்பரங்கள் மூலம் மட்டுமின்றி டுவிட்டரிலும் பிரபலப்படுத்தி வருகிறார். அவர் குஜராத்தின் இயற்கை அழகு மற்றும் கலாச்சார பாரம்பரியம் பற்றி பெருமிதம் கொள்கிறார். மேலும் அம்மாநிலத்தில் உள்ள இடங்கள், அதன் வரலாற்று சிறப்புகளை டுவிட்டரில் தெரிவிப்பதோடு அவற்றின் புகைப்படங்களையும் வெளியிட்டு வருகின்றார்.
இதற்காக அமிதாபுக்கு குஜராத் முதல்வர் மோடி டுவிட்டரில் நன்றி தெரிவித்துள்ளார்.
மோடியின் டுவீட்:
அமிதாப்ஜியை சந்தித்தேன். குஜராத் மக்கள் அவர் மீது வைத்துள்ள அன்பால் அவர் நெகிழ்ந்து போயிருப்பது தெரிந்து மகிழ்ச்சி அடைகிறேன். வரும் காலத்திலும் குஜராத் சுற்றுலாத் துறையை விளம்பரப்படுத்த எவ்வளவு நேரம் வேண்டுமோ அவ்வளவு ஒதுக்கித் தருவதாக அவர் தெரிவித்தார் என்று அவர் அதில் குறிப்பிட்டுள்ளார்.