திமுகவில் உறுப்பினர்களாக சேர புதிய நிபந்தனை-அன்பழகன் அறிவிப்பு

சென்னை: திமுகவில் புதிய உறுப்பினர்களாக சேர விரும்புவோர் வாக்காளர் அடையாள அட்டையின் எண்ணைக் குறிப்பிட வேண்டும். அந்த அட்டையின் முதல் பக்கத்தை ஜெராக்ஸ் எடுத்து உறுப்பினர் படிவத்துடன் இணைத்திட வேண்டும் என்று திமுக தலைமை அறிவித்துள்ளது.

இதுதொடர்பாக அவர் வெளியிட்டுள்ள அறிக்கையில்,

2012 பிப்ரவரி 5-ம் தேதி முதல் ஏப்ரல் 30-ம் தேதி வரை உறுப்பினர்களை சேர்த்தல் - புதுப்பித்தல் பணிகளை பொதுக்குழுவில் திருத்தப்பட்ட விதிகளின்படி மேற்கொள்ள வேண்டும் என தலைமைக் கழகம் முடிவெடுத்துள்ளதால் குறிப்பிட்ட தேதி முதல் உறுப்பினர்களை சேர்க்கும் பணியை தொடங்கி உடனுக்குடன் படிவங்களை தலைமைக் கழகத்தில் சேர்ப்பிக்க வேண்டும்.

வார்டு கிளைகள் அடிப்படையிலேயே உறுப்பினர்கள் சேர்த்தலும் புதுப்பித்தலும் மேற்கொள்ள வேண்டும்.

உறுப்பினர் படிவத்தில் தங்களது வாக்காளர் அடையாள அட்டை எண்ணை கட்டாயம் குறிப்பிடுவதுடன், அட்டையின் முதல் பக்கத்தினை மட்டும் ஜெராக்ஸ் எடுத்து இணைத்திட வேண்டும். உறுப்பினர் கட்டணம் ரூ.10, படிவத்திற்கான கட்டணம் ரூ.25 செலுத்த வேண்டும் என்று அதில் அவர் கூறியுள்ளார்.

English summary

New members should mention their voter ID no in membership form, said DMK general secretary Anabalgan. They have also advised to attach a zerox copy of the ID card.