ஒசாமா பதுங்கியிருந்த இடம் பாக் ராணுவம்-ஐஎஸ்ஐக்கு தெரியும்: அமெரிக்கா தனியார் உளவு அமைப்பு

By Chakra

Published: Tuesday, February 28, 2012, 13:32 [IST]

Subscribe to Oneindia Tamil

நியூயார்க்: ஒசாமா பின் லேடன் பதுங்கியிருந்த இடம் பாகிஸ்தான் ராணுவ அதிகாரிகளுக்கும், ஐஎஸ்ஐ உளவுப் பிரிவினருக்கும் தெரியும் என்று அமெரிக்காவின் தனியார் உளவு அமைப்பான ஸ்ட்ராட்போர் தெரிவித்துள்ளது.

இது தொடர்பாக ஸ்டார்பார் அதிகாரிகளுக்கு இடையே நடந்த இ-மெயில் தகவல் பரி்மாற்றங்களை விக்கிலீக்ஸ் வெளியிட்டுள்ளது.

உலகெங்கும் உள்ள அமெரிக்கத் தூதரகங்களுக்கும், வெள்ளை மாளிகையில் உள்ள வெளியுறவுத்துறை தலைமை அலுவலகத்துக்கும் இடையே நிகழ்ந்த லட்சக்கணக்கான ரகசிய கேபிள் செய்தி பரிமாற்றங்களை வெளியிட்டு பரபரப்பை ஏற்படுத்தியது விக்கிலீக்ஸ். இதையடுத்து அந்த அமைப்பை முடக்க பல்வேறு செயல்களில் ஈடுபட்டுள்ளது அமெிரிக்க அரசு.

இந் நிலையில், அமெரிக்க அரசுக்காகவும் அமெரிக்க நிறுவனங்களுக்காகவும் பல்வேறு நாடுகளில் உளவு பார்த்து வரும் தனியார் அமைப்பான ஸ்ட்ராட்போர் நிறுவனத்தின் ரகசிய இமெயில் பரிமாற்றங்களை வெளியிட ஆரம்பித்துள்ளது விக்கிலீக்ஸ்,

சிஐஏவின் நிழல் என்று வர்ணிக்கப்படும் ஸ்டார்போரின் பல்வேறு ஊழியர்களும் அமெரிக்க ராணுவத்திலும் உளவுப் பிரிவுகளும் பணியாற்றி வருவது குறிப்பிடத்தக்கது.

பாகிஸ்தானின் அபோடாபாத் நகரில் ஒசாமா பின் லேடனை அமெரிக்க சீல் படைகள் கொன்ற பிறகு, இது குறித்து ஸ்டார்போரின் துணை இயக்குனர் பிரட் பர்ட்டன் தனது தெற்காசிய மண்டல இயக்குனருக்கு பிளாக்பெர்ரி மூலம் அனுப்பிய இமெயிலில், ஒசாமா பின்லேடன் பதுங்கியிருந்த இடம் பாகிஸ்தான் ராணுவத்தினருக்கும் ஐஎஸ்ஐக்கும் நன்றாகவே தெரியும். இதை பாகிஸ்தானைச் சேர்ந்த ஒரு முக்கிய சோர்ஸ் என்னிடம் தெரிவித்தது. மொத்தத்தில் ஐஎஸ்ஐ மற்றும் ராணுவத்தைச் சேர்ந்த 10 பேருக்கு மட்டுமே ஒசாமா இருக்குமிடம் தெரியும். இது அமெரிக்க உளவுப் பிரிவினருக்கும் தெரியும் என்று கூறப்பட்டுள்ளது.

தங்களது ரகசிய தகவல்களை விக்கிலீக்ஸ் வெளியிட்டது வருத்தத்துக்குரியது என்று ஸ்ட்ராட்போர் தெரிவித்துள்ளது.

Published On February 28, 2012