படுமோசமான நிலையில் இந்தியப் பொருளாதார வளர்ச்சி!

டெல்லி: கடந்த மூன்றாண்டுகளில் இல்லாத அளவுக்கு படுமோசமான நிலையில் இந்தியப் பொருளாதார வளர்ச்சி உள்ளதாக புள்ளிவிவரத் துறை தெரிவித்துள்ளது.

அக்டோபர் - டிசம்பர் காலகட்டத்தில் பொருளாதார வளர்ச்சி 6.1 சதவீதமாக வீழ்ச்சி கண்டுள்ளது. இதே காலகட்டத்தில் கடந்த 2010-ம் ஆண்டு 7 சதவீதத்துக்கு மேல் இருந்தது குறிப்பிடத்தக்கது.

உலகப் பொருளாதாரமே தள்ளாடிக் கொண்டிருந்த 2007/2008 காலகட்டத்தில் கூட இந்தியப் பொருளாதார வளர்ச்சி 9.5 சதவீதமாக இருந்தது.

இது அதற்கடுத்த ஆண்டுகளில் 8.5 சதவீதமாகக் குறைந்தது. பின்னர் 7 சதவீதத்துக்கு தேய்ந்து இப்போது 6.1-ல் வந்து நிற்கிறது. தொடர்ந்து 11 காலாண்டுகளாக சரிவுப் பாதையிலேயே உள்ளது இந்தியப் பொருளாதாரம் என்பதுதான் கவலைக்குரிய விஷயமாக உள்ளது.

உள்ளீட்டுப் பொருள்களின் விலை உயர்வு, வட்டி உயர்வு போன்றவைதான் இந்த நிலைக்குக் காரணம் என்று பொருளியல் ஆய்வாளர்கள் கருத்து தெரிவித்துள்ளனர்.

உடனடியாக அரசு, பொருளாதார சீர்த்திருத்தங்களை அமல்படுத்த வேண்டிய கட்டாயத்தில் உள்ளளது என்றும் கூறியுள்ளனர்.

இந்தியா என்றல்ல, ஆசிய நாடுகளின் பொருளாதார வளர்ச்சியும் இதே நிலையில்தான் உள்ளதாக புள்ளிவிவரங்கள் கூறுகின்றன.

மத்திய பட்ஜெட்டுக்கு முன்பாக, ரிசர்வ் வங்கி தனது பொருளாதாரக் கொள்கையை அறிவிக்கும் என எதிர்ப்பார்க்கப்படுகிறது.

English summary

Economic growth slowed to its weakest annual pace in almost three years in the three months to December, as high interest rates and rising input costs constrained investment and manufacturing. Gross domestic product rose 6.1% in October to December compared with a year earlier, a lower than expected increase, figures from the federal statistics office showed.