சோனியாவின் அமெரிக்கா பயணம் ஏன்?: உடைக்கிறார் சாமி

டெல்லி: சோனியா காந்தி அமெரிக்காவுக்கு அடிக்கடி சிகிச்சை பெறுவதற்காக செல்வது ஏன்? என்று ஜனதா கட்சித் தலைவர் சுப்பிரமணிய சாமி தமது டிவிட்டரில் சில தகவல்களை வெளியிட்டுள்ளார்.

அதில், ஆப்பிள் நிறுவனத்தின் முன்னாள் தலைமை செயல் அதிகாரி ஸ்டீவ் ஜாப்ஸ்க்கு எந்த மாதிரி புற்றுநோய் ஏற்பட்டிருந்ததோ அதேபோலத்தான் சோனியாகாந்திக்கும் ஏற்பட்டுள்ளது. இதற்கான சிறப்பு அறுவை சிகிச்சையை அவர் மேற்கொண்டு வருகிறார் என்று கூறியுள்ளார்.

மேலும் பிப்ரவரி 27-ந் தேதியன்று வெளியிட்ட டிவிட்டரில், சோனியாவை "விஷ்கன்யா" என்று குறிப்பிட்டு "விஷ்கன்யா விரைவில் அமெரிக்கா பயணம் செல்ல உள்ளார். ஸ்டீவ் ஜாப்ஸ்க்கான சிகிச்சை போலவே மேற்கொள்ள உள்ளார் என்றும் டிவிட்டரில் சாமி சொல்லியிருந்தார்.

இதனிடையே நேற்று காலையில் காங்கிரஸ் கட்சி அதிகாரப்பூர்வமாக அறிவிக்கும் முன்பே "சோனியாவின் அமெரிக்க பயணம் குறித்து அதிகாரப்பூர்வமாக அறிவிப்பு வரப்போகிறது" என்று இன்னொரு அதிரடியையும் சாமி டிவிட்டரில் வெளியிட்டுவிட்டார். அவருக்கு மட்டும் எப்படி சோனியாவின் பயணம் குறித்துத் தெரிந்தது என்பது தெரியவில்லை.

சாமியின் சித்து விளையாட்டுகள் சமூக வலைதளங்களையும் விட்டு வைக்கவில்லை!

English summary

Janata Party supremo Subramanian Swamy once again targeted Congress President Sonia Gandhi, who left for US for routine medical check-up. Swamy, while tweeting from his personal Twitter account claimed that he had information about the reasons behind Sonia's mysterious visit to US.