சங்கரன்கோவிலுக்குப் படையெடுக்கும் கருணாநிதி அன்பழகன், ஸ்டாலின், குஷ்பு
கருணாநிதி, மு.க.ஸ்டாலின், குஷ்பு உள்ளிட்டோரின் தேர்தல் பிரச்சாரம் தொடர்பாக தி.மு.க. தலைமைக்கழகம் வெளியிட்டுள்ள அறிக்கை:
சங்கரன்கோவில் சட்டமன்ற தொகுதி இடைத்தேர்தலில் தி.மு.க. வேட்பாளர் ஜெ.ஜவகர் சூரியகுமாரை ஆதரித்து தி.மு.க. தலைவர் கருணாநிதி 15-ந் தேதி (வியாழக்கிழமை) நடைபெறும் தேர்தல் பிரசார பொதுக்கூட்டத்தில் பேசுகிறார்.
இதேபோல தி.மு.க. பொதுச்செயலாளர் பேராசிரியர் அன்பழகன் 5-ந் தேதி (திங்கட்கிழமை), 6-ந் தேதி (செவ்வாய்க்கிழமை) ஆகிய நாட்களில் வாக்குசேகரிக்கிறார்.
தி.மு.க. பொருளாளர் மு.க.ஸ்டாலின் 12-ந் தேதி (திங்கட்கிழமை), 13-ந் தேதி (செவ்வாய்க்கிழமை), 14-ந் தேதி (புதன்கிழமை) ஆகிய நாட்களில் வாக்கு சேகரிக்கிறார்.
2 நாள் குஷ்பு டேரா!
தி.மு.க. வேட்பாளர் ஜெ.ஜவகரை ஆதரித்து நடிகை குஷ்பு 9-ந் தேதி (வெள்ளிக்கிழமை), 10-ந் தேதி (சனிக்கிழமை) ஆகிய நாட்களில் தேர்தல் பிரசாரம் செய்கிறார். நடிகர் வாகை சந்திரசேகர் 10-ந் தேதியும், நடிகர் குமரிமுத்து 7-ந் தேதி (புதன்கிழமை), 8-ந் தேதி (வியாழக்கிழமை) ஆகிய நாட்களில் வாக்குசேகரிக்கிறார்கள் என்று அதில் கூறப்பட்டுள்ளது.
சங்கரன்கோவில் இடைத்தேர்தலில் தி.மு.க. சார்பில் தேர்தல் பணிகளை கவனிப்பதற்காக ஒன்றியம் வாரியாக தேர்தல் பணி பொறுப்பாளர்கள் அக்கட்சியின் தலைமைக்கழகம் சார்பில் நியமிக்கப்பட்டுள்ளனர்.
Click it and Unblock the Notifications
Sign in with Google