தம்பிதுரை மகளுக்கும், காங். மாஜி எம்.எல்.ஏ. மகனுக்கும் ரகசிய திருமணம்: தம்பிதுரை வரவில்லை!

திருப்பதி: அதிமுகவின் முக்கிய எம்.பியான தம்பிதுரையின் மகளுக்கும், வேலூர் தொகுதி முன்னாள் காங்கிரஸ் எம்.எல்.ஏ. ஞானசேகரன் மகனுக்கும் இன்று திருப்பதியில் வைத்து ரகசியமான முறையில் கல்யாணம் நடந்துள்ளது. இது காதல் கல்யாணம். இந்தக் கல்யாணத்தில் தம்பித்துரை கலந்து கொள்ளவில்லை.

தம்பித்துரையின் மகள் லஷ்யா. ஞானசேகரனின் மகன் நவீன். இருவரும் மருத்துவம் படித்து வருகின்றனர். 2 ஆண்டுகளுக்கு முன்பு இருவரும் காதலில் வீழ்ந்தனர். இதுகுறித்த செய்திகள் கசிந்தபோது ஞானசேகரன் தரப்பி்ல் அதற்கு மறுப்பு தெரிவிக்கப்பட்டது. அப்போது ஞானசேகரன் எம்.எல்.ஏவாக இருந்தார்.

இந்த நிலையில் நவீன், லஷ்யா திருமணம் இன்று திடீரென திருப்பதியில் நடந்தது. இதில் தம்பித்துரை கலந்து கொள்ளவில்லை. அதேசமயம், அவரது மனைவியும், இன்னொரு மகளும் கலந்து கொண்டனர். இருப்பினும் ஞானசேகரன் குடும்பத்தினர் கலந்து கொண்டனர்.

கல்யாணத்திற்குப் பின்னர் மணமக்களும், இரு வீட்டாரும் சாமி கும்பிட்டு விட்டு வேலூர் கிளம்பிப் போயினர்.

முதல்வர் ஜெயலலிதாவுக்கு தர்மசங்கடமாகி விடக் கூடாது என்பதற்காக தம்பித்துரை தனது மகளின் கல்யாணத்துக்கு வரவில்லையா அல்லது இந்தக் கல்யாணத்தில் அவருக்கு இஷ்டம் இல்லையா என்பது தெரியவில்லை.

English summary

Former Cong MLA Gnanasekharan's son Naveen tied the knot to Lashya, daughter of ADMK MP Thambidurai in Tirupathi today. But Thambidurai was absent in the marriage. This is a love marriage.