பஞ்சாபில் பாஜகவுக்கு பெரும் சரிவு: சொந்த பலத்தால் தப்பிய அகாலிதளம்!

சண்டிகர்: பஞ்சாப் மாநிலத்தில் அகாலிதளம் கட்சி அதிக இடங்களில் வென்றுள்ள நிலையில், அதன் கூட்டணிக் கட்சியான பாஜக கடந்த தேர்தலைவிட அதிகமான இடங்களில் தோற்றுள்ளது.

கடந்த சட்டமன்றத் தேர்தலில் இந்தக் கூட்டணியில் அகாலிதளம் 48 இடங்களிலும் பாஜக 19 இடங்களிலும் வென்றிருந்தன. ஆனால், இந்த முறை பாஜக வெறும் 12 இடங்களில் மட்டுமே வென்றுள்ளது.

அதிர்ஷ்டவசமாக அகாலிதளம் கடந்த தேர்தலை விட 8 இடங்களை கூடுதலாக வென்றதால் ஆட்சியைத் தக்க வைக்க முடிந்துள்ளது. அகாலிதளம் இம்முறை 56 இடங்களைப் பிடித்து, பாஜகவால் தனது கூட்டணிக்கு ஏற்பட்ட பெரும் சரிவை ஈடுகட்டிவிட்டது.

இந்த மாநிலத்தில் மொத்தமுள்ள 117 இடங்களில் ஆட்சியைப் பிடிக்க 59 இடங்கள் தேவை என்ற நிலையில் இந்தக் கூட்டணி 68 இடங்களைப் பிடித்துள்ளது.

பாஜகவைப் போல அகாலிதளமும் சரிந்திருந்தால், நிலைமை வேறு மாதிரி ஆகியிருக்கும்.

இந்த மாநிலத்தில் கடந்த தேர்தலில் வென்றதைவிட இம்முறை 2 இடங்களைக் கூடுதலாகப் பெற்று 46 இடங்களைப் பிடித்துள்ளது காங்கிரஸ்.

ஓட்டு சதவீதம்:

கடந்த தேர்தலில் 37.09 சதவீத வாக்குகள் வாங்கிய அகாலிதளம் இந்தமுறை 34.75 சதவீத வாக்குளைப் பெற்றுள்ளது. கடந்த தேர்தலில் 8.28 சதவீத வாக்குகளைப் பெற்றிருந்த அதன் கூட்டணிக் கட்சியான பாஜக இம்முறை 7.13 சதவீத வாக்குகளையே வென்றுள்ளது.

தேர்தலில் தோற்றாலும் காங்கிரசின் வாக்கு சதவீதம் 40.90 சதவீதத்திலிருந்து கொஞ்சமே கொஞ்சம் அதிகரித்து 40.11 சதவீதமாக உயர்ந்துள்ளது.

English summary

The SAD-BJP combine which stormed to power in Punjab for a second consecutive term on Tuesday lost their vote share in the state assembly polls which saw the Congress gaining in terms of vote percentage despite failing to live upto its expectations. While SAD's vote share in this elections declined to 34.75% as compared to 37.09% in 2007, its ally BJP's vote share came down to 7.13% this time as against 8.28% in the previous hustings. The vote percentage of SAD fell by 2.34% whereas its ally BJP's vote percentage dropped by 1.15%. The Congress, which garnered 46 votes, however managed to increase its vote percentage. The Congress party's vote percentage shot up from 40.90% to 40.11% an increase in 0.79%