லக்னோவின் ஐந்து தொகுதிகளில் நான்கைப் பிடித்து பாஜக கோட்டையைத் தகர்த்த சமாஜ்வாடி

லக்னோ: உத்தரப் பிரதேச மாநில சட்டமன்ற தேர்தலில் அமோக வெற்றி பெற்றுள்ள சமாஜ்வாடி கட்சி, தலைநகர் லக்னோவில் இதுவரை பாஜகவின் கோட்டையாத திகழ்ந்து வந்த தொகுதிகளையும் வளைத்துப் பிடித்து அனைவரையும் வியப்படைய வைத்துள்ளது.

லக்னோவில் உள்ள 5 இடங்களில் நான்கை சமாஜ்வாடி வென்றதன் மூலம் பாஜகவின் கோட்டை தகர்ந்துள்ளது.

1991க்குப் பிறகு லக்னோவில் உள்ள தொகுதிகளை பெரும்பாலும் பாஜகதான் வென்று வந்தது. அங்குள்ள ஐந்து தொகுதிகளில் குறைந்தது நான்கு தொகுதிகளில் பாஜக கண்டிப்பாக வெல்லும். ஆனால் தற்போது அதை மாற்றியமைத்து, நான்கு தொகுதிகளை சமாஜ்வாடி பிடித்து விட்டது. லக்னோ கிழக்கில் மட்டுமே பாஜக வென்றுள்ளது.

லக்னோவின் வடக்கு தொகுதியில் சமாஜ்வாடி கட்சியின் வேட்பாளரும் முன்னாள் ஐஐஎம் அகமதாபாத் பேராசிரியருமான அபிஷேக் மிஸ்ரா வெற்றி பெற்றுள்ளார். இந்த தொகுதியில் அவரை எதிர்த்து போட்டியிட்ட பாஜக எம்பி லால்ஜி தாண்டனின் மகன் அசுதோஷ் டான்டன் கோபால்ஜி மகாமோசமான முறையில் 3வது இடத்தைப் பிடித்துள்ளார்.

அதேபோல லக்னோ மத்திய தொகுதியில்,சமாஜ்வாடி கட்சியின் வேட்பாளர் ரவிதாஸ் மெஹரோத்ரா வெற்றி பெற்றுள்ளார். லக்னோ மேற்கிலும் சமாஜ்வாடி கட்சி வேட்பாளர் முகம்மது ரேஹான் கைப்பற்றியுள்ளார்.

பாஜக கோட்டை தகர்ந்தது

லக்னோ நகரில் உள்ள நான்கு தொகுதிகள் மற்றும் புறநகரில் உள்ள மஹோனா தொகுதி ஆகியவற்றைச் சேர்த்து 5 தொகுதிகளில் இதுவரை பாஜக குறைந்தது 4 தொகுதிகளில் வென்று வந்தது. ஆனால் இந்தத் தேரத்லில் லக்னோ கிழக்கில் மட்டுமே பாஜகவால் வெல்ல முடிந்தது. அங்கு மாநில பாஜக தலைவர் கல்ராஜ் மிஸ்ரா மட்டும் வெற்றி பெற்றுள்ளார் என்பது குறிப்பிடத்தக்கது.

மோசமான தோல்வி

இது ஒருபுறம் இருக்க பாரதீய ஜனதா கட்சி இந்த சட்டமன்ற தேர்தலில் நகர்புறங்களில் மிக மோசமான தோல்வியை சந்தித்துள்ளது. 1991, 1996 ஆண்டு நடைபெற்ற சட்டமன்ற தேர்தல்களில் நகர்புறங்களில் பெரும்பான்மையான இடங்களில் பாஜக வேட்பாளர்கள் வெற்றி பெற்றனர்.

இந்த தேர்தலில் நகர்புறப் பகுதிகளில் அக்கட்சியின் வேட்பாளர்கள் மிக மோசமான தோல்வியை சந்தித்துள்ளனர்.

மக்கள் மத்தியில் பாஜக, காங்கிரஸ் கட்சியினர் மீதான எதிர்ப்பு அலையே சமாஜ்வாடி கட்சிக்கு நகர்ப்புறங்களில் வெற்றி வாய்ப்பினை பெற்றுத் தந்துள்ளது என்று அரசியல் நோக்கர்கள் கருத்து தெரிவித்துள்ளனர்.

English summary

Two surprises actually sum up the results of the five urban seats in the state capital. Surprise number one was the fact that Samajwadi Party was able to open its account in purely urban seats of the city, for the first time since 1992 when the party actually came into existence. With this, after a long gap of around a decade, the results of urban seats of the state capital in particular reflect the picture that of the state in general.