மகம் நட்சத்திரப்படி இன்று தான் பிறந்த தினம்... ஜெயலலிதா திடீர் ஸ்ரீரங்கம் வருகை

திருச்சி: மகம் நட்சத்திரப்படி இன்று முதல்வர் ஜெயலலிதாவின் பிறந்த நாளாகும். இதையொட்டி இன்று மாலை அவர் ஸ்ரீரங்கம் ரெங்கநாத சுவாமி கோயிலுக்கு அவர் செல்கிறார்.

ஜெயலலிதாவின் பிறந்த தினம் பிப்ரவரி 24ம் தேதியாகும். ஆனால், அவருடைய மகம் நட்சத்திரப்படி இன்று (புதன்கிழமை-மார்ச் 7) பிறந்த தினம் வருகிறது.

இதையொட்டி இன்று மாலை சென்னையிலிருந்து தனி விமானம் மூலம் திருச்சிக்கு வரும் அவர், ஸ்ரீரங்கம் கோயிலுக்குச் சென்று சுவாமி தரிசனம் செய்கிறார். பின்னர் சென்னை புறப்பட்டுச் செல்கிறார்.

ஜெயலலிதாவின் வருகையையொட்டி திருச்சி விமான நிலையத்திலும், ஸ்ரீரங்கம் கோயில் வளாகத்திலும் நேற்றிரவு முதலே மிக பலத்த பாதுகாப்பு ஏற்பாடுகள் செய்யப்பட்டுவிட்டன.

ஸ்ரீரங்கம் தான் ஜெயலலிதா கடந்த தேர்தலில் வென்ற சட்டமன்றத் தொகுதி என்பதும் குறிப்பிடத்தக்கது.

கபாலீஸ்வரர், பிராட்வே காளிகாம்பாள் கோயில்களிலும் விழாக்கள்:

ஜெயலலிதாவின் மகம் நட்சத்திரப் பிறந்த நாள் கொண்டாட்டங்கள் சென்னையிலும் இன்று நடைபெறுகின்றன.

மைலாப்பூர் கபாலீஸ்வரர், பிராட்வே காளிகாம்பாள் கோயில் ஆகியவற்றில் பல்வேறு நிகழ்ச்சிகளுக்கு ஏற்பாடுகள் செய்யப்பட்டுள்ளன.

காளிகாம்பாள் கோயிலில் நடைபெறவுள்ள நிகழ்ச்சியில் சபாநாயகர் ஜெயக்குமார், அமைச்சர்களும் பங்கேற்கின்றனர்.

English summary

Chief Minister J Jayalalithaa will be offering prayers to Lord Ranganatha in Srirangam on Wednesday, her birthday according to her birth star Makam. Milk abhishekham in 64 pots, annadanam and golden chariot procession will be held at Sri Kapaaleeswarar temple. Priests will chant Sri Maha Lalithaa Sahasranama and Sri Maha Rudram.