இடைத்தேர்தல்: சங்கரன்கோவிலில் இன்றும், நாளையும் நடிகர்கள் பிரச்சாரம்
சங்கரன்கோவில்: இடைத்தேர்தலையொட்டி திமுக, அதி்முக வேட்பாளர்களை ஆதரித்து இன்று மாலை சங்கரன்கோவில் தொகுதியில் நடிகர்கள் பிரச்சாரம் செய்கிறார்கள். அதேபோல நாளை நடிகர் சரத்குமார் பிரசாரம் செய்கிறார்.
திமுக வேட்பாளர் ஜவகர் சூரியகுமாருக்கு ஆதரவு திரட்ட மத்திய அமைச்சர் நெப்போலியன் இன்று மாலை மேலநீலிதநல்லூர் ஒன்றிய பகுதிகளில் பிரச்சாரம் செய்கிறார். தொடர்ந்து நடிகர் குமரிமுத்து சங்கரன்கோவில் நகராட்சி பகுதியில் பிரச்சாரம் செய்கிறார்.
சங்கரன்கோவில் பயணியர் விடுதி முன்பு பிரச்சாரத்தை துவங்கும் அவர் கீதாலயா தியேட்டர், திருவள்ளுவர் சாலை, பாடப்பிள்ளையார் கோவில், புதுமனைத் தெரு, கக்கன்நகர், கழுகுமலை ரோடு, முஸ்லிம் தெரு, திருவிக தெரு, உச்சினிமாகாளியம்மன் கோவில் தெரு, வடக்கு ரத வீதி, சங்குபுரம் 3வது தெரு, ராமசாமிபுரம் 2வது தெரு, அசம்பளி லாட்ஜ் ஆகிய பகுதிகளில் வாக்குகளை சேகரிக்கிறார்.
அதிமுக வேட்பாளர் முத்துசெல்விக்கு ஆதரவாக சமக தலைவர் நடிகர் சரத்குமார் எம்.எல்.ஏ. நாளை மேலநீலிதநல்லூர் ஒன்றியத்திற்கு உட்பட்ட பகுதிகளில் பிரச்சாரம் செய்கிறார்.
Click it and Unblock the Notifications
Sign in with Google