தி.மு.க. எம்.பி. கே.பி.ராமலிங்கத்திடம் சிக்கியது சம்பளப் பணம்-திரும்ப ஒப்படைக்கப்பட்டது

சங்கரன்கோவில்: சங்கரன்கோவில் அருகே கழுகுமலைப் பகுதியில் திமுக எம்.பி. கே.பி.ராமலிங்கத்தின் காரில் இருந்து பறிமுதல் செய்யப்பட்ட பணம் ராமலிங்கத்தின் சம்பளப் பணம் என்பது உறுதியானதால் அதை போலீஸார் திரும்பக் கொடுத்து விட்டனர்.

கழுகுமலைப் பகுதியில் நேற்று போலீஸார் நடத்திய வாகன சோதனையின்போது எம்.பி. ராமலிங்கத்தின் காரை தடுத்து நிறுத்தி சோதனை போட்டனர்.அப்போது காரில் பணம் இருந்ததைக் கண்டு அதைப் பறிமுதல் செய்தனர்.

பின்னர் ராமலிங்கத்திடம் விசாரணை நடத்தப்பட்டது. இதில் அவர் வைத்திருந்த ரூ. 89 ஆயிரம் பணமும் சம்பளப் பணம் என்று தெரிய வந்தது. இதற்கான ஆதாரங்களையும் எம்.பி. ராமலிங்கம் சமர்ப்பித்தார். இதையடுத்து தேர்தல் அதிகாரிகள் அந்தப் பணத்தை ராமலிங்கத்திடம் கொடுத்து விட்டனர்.

English summary

EC officials have returned the Rs. 89,000 moeny to DMK MP K.P.Ramalingam after he submitted the valid papers. The cash was recovered from the care of Ramalingam. But officials later found that the cash was actually his salary.