சென்னை ஏர்போர்டில் விபத்தில் சிக்கிய டெல்லி விமானம் - 2 மணி நேரம் பயணிகள் தவிப்பு

சென்னை: சென்னை விமான நிலையத்தில் டெல்லி செல்லும் விபத்தில் சிறு விபத்து ஏற்பட்டது. இதனால் பயணிகள் மாற்று விமானம் மூலம் டெல்லிக்கு அனுப்பி வைக்கப்பட்டனர்.

சென்னை விமானத்தில் இன்று டெல்லி புறப்பட்டு செல்ல பயணிகள் தயாராக இருந்தனர். டெல்லி புறப்பட வந்த ஜெட் ஏர்வேஸ் விமானம் பயணிகளை ஏற்ற தயார் நிலையில் இருந்தது. அப்போது விமானத்தில் பயணிகள் ஏறுவதற்கான ஏணியை விமானத்தோடு இணைக்கும் பணி நடைபெற்றது.

அப்போது எதிர்பாராதவிதமாக ஏணி, விமானத்தின் இறக்கையில் மோதியது. இதில் விமான இறக்கை சேதமடைந்தது. இதனால் டெல்லி செல்ல காத்திருந்த அந்த விமானத்தின் பயணம் ரத்து செய்யப்பட்டது.

அதன்பிறகு மாற்று விமானம் மூலம் 2 மணிநேரம் தாமதமாக டெல்லிக்கு பயணிகள் அழைத்து செல்லப்பட்டனர்.

English summary

A delhi bound Jet Airway flight met with a small accident in Chennai airport. Later the passengers were carried by another spare flight to Delhi.