ஓரினச் சேர்க்கையாளர்களுக்கு போப் ஆண்டவர் எச்சரிக்கை

வாடிகன்: அமெரிக்காவின் இரு மாகாணங்களில் ஓரினச் சேர்க்கைக்கு அங்கீகாரம் தரப்பட்டதற்கு போப் ஆண்டவர் எதிர்ப்பு தெரிவித்துள்ளார். இது சமூக ஒழுங்கையும் அமைதியையும் கெடுக்கும் என்று அவர் கூறியுள்ளார்.

அமெரிக்காவின் வாஷிங்டன், மேரிலாண்டு (Maryland) ஆகிய மாகாணங்கள் ஒரே பாலினத்தவர்கள் திருமணத்தை சட்ட ரீதியாக அங்கீகரித்துள்ளது.

இந்த ஓரினச் சேர்க்கைக்கு கத்தோலிக்க மதத் தலைவர் போப் 16-ம் பெனடிக்ட் எதிர்ப்பு தெரிவித்ததோடு இந்த செயலானது சமூகத்தின் ஒழுங்கு நிலையை பாதிக்கும் என எச்சரித்துள்ளார்.

மேலும், திருமணத்தின் சட்டரீதியான வரையறையை அரசியல் மற்றும் கலாச்சார அமைப்புகள் மாற்றி அமைப்பதற்காகவும் எச்சரிக்கை விடுத்துள்ளார்.

ஓரினச் சேர்க்கையாளர் திருமணம், திருமணத்துக்கு முன்னரே ஆணும் பெண்ணும் இணைந்து வாழ்வது ஆகியவை கடுமையான பாவம் என்று தங்களுக்கு கீழ் வரும் ஆலயங்களில் வலியுறுத்துமாறு எல்லா ஆயர்களுக்கும் அவர் கடிதம் மூலம் அறிவுறுத்தியுள்ளார்.

ஆண் - பெண் என பாலியல் ரீதியான பாகுபாட்டுக்கு அர்த்தமுள்ளது என்றும் இந்த பேதங்களை மீறி ஒரே இனத்தில் உறவு கொள்வது நெறியற்றது என்றும் அவர் கூறினார்.

English summary

Pope Benedict XVI has denounced gay marriage in a speech to US bishops visiting Vatican City. The Pope warned of "powerful political and cultural currents seeking to alter the legal definition of marriage".