2014ம் ஆண்டில் மத்தியில் பாஜக ஆட்சி அமைப்பது கடினமே: ஆர்.எஸ்.எஸ். கணிப்பு

டெல்லி: உத்தரப்பிரதேச சட்டப்பேரவைத் தேர்தலில் பின்னடைவைச் சந்தித்திருக்கும் பாரதிய ஜனதாவால் 2014-ல் மத்தியில் ஆட்சி அமைப்பது என்பது கடினமானது என்று ஆர்.எஸ்.எஸ். அமைப்பு கருத்து தெரிவித்துள்ளது.

ஆர்.எஸ்.எஸ். அமைப்பின் அதிகாரப்பூர்வ ஏடான ஆர்கனைசரில் எழுதப்பட்டுள்ளதாவது:

உத்தரப்பிரதேசத்தில் கட்சி கட்டமைப்பும் தொண்டர் பலமும் வலுவானதாக இருந்தும் வாக்காளர்களை பாஜகவால் ஏன் கவர முடியவில்லை?

உத்தரப்பிரதேசத்தைப் பொறுத்தவரையில் தொண்டர்களைவிட கட்டுக்கோப்பான தலைவர்கள் அதிகம்.

2007-ம் ஆண்டு பேரவைத் தேர்தலில் பெற்ற இடங்களை விட 4 குறைவாக அதாவது 47 இடங்கள் மட்டுமே பாஜக பெற்றுள்ளது. உத்தரப்பிரதேச தேர்தலானது 2014-ம் ஆண்டில் மத்தியில் பாஜக ஆட்சி அமைப்பது கடினம் என்பதையே வெளிப்படுத்துகிறது. அந்த வகையில் மக்களிடமிருந்து பாஜக அன்னியப்பட்டுப் போயுள்ளது என்று அதில் எழுதப்பட்டுள்ளது.

English summary

Holding that BJP is suffering from "Congress patch" in UP, the RSS has said it will be difficult for the saffron party, which has a "bigger army of leaders than workers" in the state, to come to power in 2014 Lok Sabha elections unless it answers the questions posed by assembly poll results.