அழகாக மாற 200 முறை பிளாஸ்டிக் சர்ஜரி செய்து நோயாளியான சீனப் பெண்
பெய்ஜிங்: சீனாவைச் சேர்ந்த பணக்கார பெண் ஒருவர் அழகாக மாற 200 தடவை பிளாஸ்டிக் சர்ஜரி செய்துள்ளார். ஆனால் அத்தனை முறை அறுவை சிகிச்சை செய்ததால் அவரது உடல் நிலை பாதிக்கப்பட்டது தான் மிச்சம்.
சீனாவின் நாங்ஜிங் பகுதியைச் சேர்ந்த இளம் பெண் ஜியாகிங்(பெயர் மாற்றப்பட்டுள்ளது). அவர் அப்பகுதியில் உள்ள ஒரு மருத்துவமனைக்கு உடல் பரிசோதனைக்காக சென்றுள்ளார். அவரைப் பரிசோதித்த மருத்துவர்கள் அதிர்ந்துவிட்டனர். அவரது உடலில் ஏராளமான அறுவை சிகிச்சைகள் செய்யபப்ட்டருப்பது தான் அவர்கள் அதிர்ச்சிக்கு காரணம்.
அவரிடம் இது குறித்து மருத்துவர்கள் கேட்டதற்கு ஜியாகிங் கூறியதாவது,
நான் சில காலம் தென் கொரியாவில் இருந்தேன். அப்போது அழகாக ஆக 200 முறை பிளாஸ்டிக் சர்ஜரி செய்தேன். இதில் கண் இமையில் மட்டுமே 16 முறை அறுவை சிகிச்சை செய்தேன் என்று கூறினார்.
இந்த சிகிச்சைகளுக்காக அவர் ரூ.3 கோடி செலவு செய்துள்ளார். இருப்பினும் அவர் அழகான பாடில்லை. இத்தனை முறை அறுவை சிகிச்சை செய்து கொண்டதால் அவரது உடல் பலவீனமாக உள்ளது. மேலும் அவரது எலும்புகள் செல்லரித்தும், இடது மார்பில் 3 செ.மீ. நீளத்துக்கு புற்றுநோய் கட்டியும் உள்ளது.
செயற்கை முறையில் அழகாய் தோன்ற அறுவை சிக்ச்சை செய்து ஜியாகிங் தற்போது நோயாளி ஆகியிருப்பது தான் மிச்சம்.
Click it and Unblock the Notifications
Sign in with Google