உலக வங்கித் தலைவர் பதவிக்கு பலத்த போட்டி!

வாஷிங்டன்: உலகின் மிக முக்கிய அமைப்புகளில் ஒன்றான உலக வங்கியின் தலைமைப் பதவிக்கு, நைஜீரிய பெண் நிதியமைச்சர் உட்பட 3 பேர் போட்டியிடுகின்றனர். அமெரிக்க அதிபர் ஒபாமா கொரிய – அமெரிக்க மருத்துவருக்கு ஆதரவு தெரிவித்துள்ளார்.

அமெரிக்க தலைநகர் வாஷிங்டனை தலைமையிடமாகக் கொண்டு, கடந்த 1944-ம் ஆண்டு முதல் செயல்பட்டு வரும் உலக வங்கி, பல்வேறு நாடுகளுக்கு கடனுதவி வழங்கி வருகிறது.

இந்த அமைப்பு தொடங்கப்பட்டது முதல் இதுவரை அமெரிக்காவைச் சேர்ந்தவரே இதன் தலைவராகப் பதவி வகித்து வருகிறார். தற்போது

இதன் தலைவராக உள்ள ராபர்ட் ஜோல்லிக் ஓய்வு பெறவிருப்பதையட்டி புதிய தலைவர் தேர்ந்தெடுக்கப்பட உள்ளார்.

இந்த முறை, வெளிநாட்டைச் சேர்ந்த ஒருவர் உலக வங்கித் தலைவராக வேண்டும் என இந்தியா, ரஷ்யா, சீனா உள்ளிட்ட நாடுகள் அங்கம் வகிக்கும் 'பிரிக்ஸ்' அமைப்பு தீவிர முயற்சியில் இறங்கியுள்ளது. இதனையடுத்து உலக வங்கியின் தலைமைப் பதவிக்கு கொரியா – அமெரிக்காவைச் சேர்ந்த மருத்துவர் ஜிம் யோங் கிம் என்பவருக்கு அமெரிக்க அதிபர் பாரக் ஒபாமா ஆதரவு அளித்துள்ளார். இதனிடையே நைஜீரிய பெண் நிதியமைச்சர் வேட்புமனு தாக்கல் செய்துள்ளார்.

இதன் காரணமாக, உலக வங்கித் தலைவர் பதவிக்கான தேர்வில் கடும் போட்டி நிலவுகிறது. வேட்புமனு தாக்கல் செய்ய சனிக்கிழமை கடைசிநாள் என்பது குறிப்பிடத்தக்கது.

English summary

US President Barack Obama made an unusual and what some described as an ''inspired'' pick for the post of World Bank President, nominating Korean-American physician-anthropologist Jim Yong Kim for a job that in the past has typically been awarded to a US establishment figure.