எச் 1 பி விசாவுக்கு கட்டணம் உயர்த்தப்படாது- அமெரிக்கா அறிவிப்பு

வாஷிங்டன்: ஊழியர்களுக்கான எச்1பி விசாவுக்கு கட்டணம் உயர்த்தப்படாது என அமெரிக்கா அறிவித்துள்ளது.

அடுத்த 2013 நிதியாண்டுக்கான விசா விண்ணப்பங்கள் வரவேற்கப்படுவதாக அமெரிக்க குடியுரிமை சேவை துறையின் அறிவிப்பு நேற்று முன்தினம் வெளியானது.

இதன்படி, ஏப்ரல் 2ம் தேதி முதல் விசா விண்ணப்பம் பெறப்படும். ஆனால், விசா கட்டணமும் உயரும் என்று பத்திரிகைகளில் செய்தி வெளியாகின.

இதற்கு அமெரிக்கா மறுப்பு தெரிவித்துள்ளது. தொழில்முறை ஊழியர்களுக்கான எச்1பி விசா பெறப்படும் என்ற அறிவிப்பு மட்டுமே வெளியிடப்பட்டதாகவும், ஆனால், கட்டணம் உயர்த்தப்படும் என தவறாக தகவல் வெளியானதாக அமெரிக்க குடியுரிமை சேவை துறை நேற்று தெரிவித்தது.

எச்1பி விசா விண்ணப்பத்தின் அடிப்படை கட்டணம் ரூ.16,500 லிருந்து துவங்குகிறது. 1 முதல் 25 முழு நேர பணியாளர்களைக் கொண்டுள்ள நிறுவனங்களுக்கான கட்டணம் ரூ.38,500 ஆகவும், 26க்கு மேற்பட்ட பணியாளர்களைக் கொண்டுள்ள நிறுவனங்களுக்கான கட்டணம் ரூ.76,500 ஆகவும் நிர்ணயிக்கப்பட்டுள்ளது.

English summary

US emigration department announced that there is no fee hike in H1B visa.