சிகரெட் பாக்கெட்டுகளில் புதிய 'அபாய எச்சரிக்கை படம்'!

டெல்லி: சிகரெட் பாக்கெட்டுகளில் உள்ள அபாய எச்சரிக்கை படத்தை மாற்றுகிறது மத்திய அரசு.

இந்தியாவில் விற்பனையாகும் சிகரெட் பாக்கெட்களில் தற்போது பிரபல இங்கிலாந்து காலபந்தாட்ட வீரர் ஜான் டெர்ரியின் படத்தையொத்த உருவம் இடம்பெற்றுள்ளது. இதற்கு அவர் கடும் எதிர்ப்புத் தெரிவித்திருந்தார். ஆனால் இது அவரது படம் அல்ல என மத்திய சுகாதகாரத்துறை அமைச்சகம் மறுப்பு தெரிவித்துள்ளது.

ஆனால் இன்னொரு பக்கம், எதற்கு தொல்லை என புதிய படம் ஒன்றை உருவாக்கும் முயற்சியை முடுக்கிவிட்டிருந்தது.

மத்திய ஒலி - ஒளி விளம்பர அமைச்சகம் இன்று 7 மாதிரிப் படங்களை தயாரித்து மத்திய அரசுக்குப் பரிந்துரைத்துள்ளது. இதில் மத்திய சுகாதாரத் துறை தேர்வு செய்யும் படம் இனி சிகரெட் பாக்கெட்டுகளில் இடம்பெறும்.

படம் மாறி என்ன பிரயோஜனம்... 'பழக்கம்' மாறணுமே!

English summary

Amid a raging controversy over the alleged use of English footballer John Terry's blurred picture as pictorial warnings on cigarette packets leading to threats of legal action by him, the Government has decided to soon replace the image.