கடும் நஷ்டம்: 10000 பணியாளர்களை நீக்கும் சோனி!
உலகில் முன்னணி எலக்டரானிக் நிறுவனம் சோனி. ஜப்பானை தலைமையிடமாக கொண்டு செயல்படும் இந்த நிறுவனத்துக்கு உலகில் பல நாடுகளிலும் கிளை நிறுவனங்கள் உள்ளன. இந்தியாவில் மிகப் பிரபலமான பிராண்ட் சோனி.
ஆனால் சீனா மற்றும் தென்கொரியா நாடுகளின் கடும் போட்டி காரணமாக சோனி நிறுவனம் சமீபகாலமாக நஷ்டத்தில் இயங்கி வருகிறது. கடந்த நிதி ஆண்டில் மட்டும் சுமார் 13 ஆயிரம் கோடி நஷ்டத்தை இந்த நிறுவனம் சந்தித்துள்ளது.
எனவே நெருக்கடியை தவிர்க்க 10 ஆயிரம் ஊழியர்களை பணிநீக்கம் செய்ய சோனி நிறுவனம் முடிவு செய்துள்ளது. இது அந்நிறுவனத்தின் மொத்த ஊழியர்களின் எண்ணிக்கையில் 6 சதவீதம் ஆகும்.
மார்ச் 2011- கணக்குப்படி சோனியில் மொத்தம் 168,200 பேர் பணியாற்றினர்.
அதேநேரம், இந்திய பணியாளர்கள் யாரையும் குறைக்கும் யோசனை இல்லை என அந் நிறுவனம் தெளிவுபடுத்தியுள்ளது.
2008-ம் ஆண்டு 16000 பேரைக் குறைத்த சோனி, அதன் பிறகு இப்போது மீண்டும் பெரிய அளவில் பணிக்குறைப்பு நடவடிக்கை மேற்கொண்டுள்ளது.
Click it and Unblock the Notifications
Sign in with Google