ஷார்ஜா இந்திய வர்த்தகக் குழுவின் தலைவராக அகர்வால் 6வது முறையாக தேர்வு

ஷார்ஜா: ஷார்ஜா இந்திய வர்த்தகக் குழுவின் (Indian Business & Professional Council) புதிய தலைவராக 6வது முறையாக சுதேஷ் கே. அகர்வால் 11.04.2012 அன்று தேர்வு செய்யப்பட்டார் என அதன் இயக்குனர் ஜெனரல் ஸ்ரீபிரியா செய்தியாளர்களிடம் தெரிவித்தார்.

புதிய நிர்வாகிகளுக்கான தேர்வு ஷார்ஜா இந்திய வர்த்தகக் குழு அலுவலகம் அமைந்துள்ள ஷார்ஜா இந்திய வர்த்தக மற்றும் கண்காட்சி மையத்தில் நடைபெற்றது. இதில் 6வது முறையாக சுதேஷ் கே. அகர்வால் தலைவராகத் தேர்ந்தெடுக்கப்பட்டார். அவர் 2012ம் ஆண்டு முதல் 2014ம் ஆண்டு வரை இப்பதவியில் இருப்பார்.

அவருடன் டாக்டர் சன்னி குரியன், சஞ்சீவ் பாட்டியா, கே.வி.சம்சுதீன், டாக்டர் அபய் கே. பாண்டே, கல்யாண் பட்டாச்சார்யா, லலித் ரத்தோர், லாலு சாமுவேல், சஜு அகஸ்டின், தன்வீர் கன்ஜி, டாக்டர் ஜி எம். பாஜ்பாய் மற்றும் சபீர் ரோகாடியா உள்ளிட்ட 11 பேர் கொண்ட குழுவும் தேர்வு செய்யப்பட்டுள்ளது.

தன்மேல் நம்பிக்கை வைத்து தன்னை ஆறாவது முறையாக தலைவராகத் தேர்வு செய்த நிர்வாகக் குழுவினருக்கு அவர் நன்றி தெரிவித்துக் கொண்டார். இக்குழுவின் மூலம் மட்டுமே அமீரக இந்திய வர்த்தகம் குறித்த காலாண்டு இதழ் வெளியிடப்பட்டு வருவது குறிப்பிடத்தக்கது என்றார். இக்குழுவின் மூலம் அமீரக சிறைகளில் வாடும் இந்தியர்களுக்கு உதவிட நிதியம் ஏற்படுத்தப்பட்டு செயல்பட்டு வருவதாக அவர் மேலும் தெரிவித்தார்.

English summary

Sutheesh K. Agarwal has been elected as the chairman of the Indian Business and Professional Council(IBPC), Sharjah for the 6th time.