எம்.ஜி.ஆர். இளைஞர் அணி செயலாளர் ஆதிராஜாராம் நீக்கம்-உதயகுமார் நியமனம்

By Chakra

Published: Friday, April 20, 2012, 11:41 [IST]

Subscribe to Oneindia Tamil

சென்னை: எம்.ஜி.ஆர். இளைஞர் அணி செயலாளராக இருந்த ஆதிராஜாராம் நீக்கப்பட்டு, அவருக்குப் பதிலாக உதயகுமார் எம்.எல்.ஏ. நியமிக்கப்பட்டுள்ளதாக முதல்வரும் அதிமுக பொதுச் செயலாளருமான ஜெயலலிதா அறிவித்துள்ளார்.

அவர் வெளியிட்டுள்ள அறிக்கையில், அதிமுக எம்.ஜி.ஆர். இளைஞர் அணிச் செயலாளர் பொறுப்பில் இருக்கும் ஆதிராஜாராம் அப்பொறுப்பில் இருந்து விடுவிக்கப்படுகிறார். எம்.ஜி.ஆர். இளைஞர் அணிச் செயலாளர் பொறுப்பில் சாத்தூர் எம்.எல்.ஏ. ஆர்.பி.உதயகுமார் இன்று முதல் நியமிக்கப்படுகிறார்.

அதிமுக தொண்டர்கள் இவருக்கு முழு ஒத்துழைப்பு நல்கிடக் கேட்டுக்கொள்கிறேன் என்று கூறியுள்ளார்.

புதிய மாவட்ட நிர்வாகிகள்:

அதே போல சென்னை, சேலம், கோவை, நீலகிரி, திருச்சி, புதுக்கோட்டை, தஞ்சாவூர் மற்றும் திருவாரூர் மாவட்டங்களுக்கு ஒன்றிய இளைஞரணி, மகளிர் அணி உள்ளிட்ட புதிய அதிமுக நிர்வாகிகள் நியமிக்கப்பட்டுள்ளனர்.

Published On April 20, 2012