கோவையில் அரசன் சோப் நிறுவனத்தில் வருமான வரி ரெய்டு

கோவை : கோவையில், அரசன் சோப்பு தயாரிப்பு நிறுவனத்திலும், அரசன் நகைகடைகளிலும் வருமான வரித்துறை அதிகாரிகள் சோதனை மேற்கொண்டனர். சோதனையில் பல்வேறு ஆவணங்கள் சிக்கியுள்ளதாக கூறப்படுகிறது.

அரசன் சோப்பு நிறுவனத்தின் தலைமை அலுவலகம் கோவையில் உள்ளது. இந்த நிறுவனத்திற்கு தமிழகம் மட்டுமல்லாது புதுச்சேரியிலும் கிளை அலுவலகங்கள் உள்ளன. இந்த நிறுவனங்களில் வருமான வரித்துறை அதிகாரிகள் ஒரே நேரத்தில் சோதனை மேற்கொண்டனர்.

காலை6.30 மணியளவில் சாய்பாபா காலனியில் உள்ள அரசன் சோப்பு உரிமையாளரின் வீட்டுக்கு வந்த வருமான வரித்துறை அதிகாரிகள் அங்கிருந்து 4 பிரிவாக பிரிந்து ஆர்.எஸ்.புரத்தில் உள்ள அரசன் ஆப்டிக்கல்ஸ், கிராஸ்கட் ரோட்டில் உள்ள அரசன் ஜூவல்லரி, கவுண்டம்பாளையத்தில் உள்ள சோப்பு கம்பெனி, சிவானந்தாகாலனியில் உள்ள ஓட்டல் உள்ளிட்ட இடங்களுக்கு சென்று தீவிர சோதனை மேற்கொண்டனர்.

வருமான வரித்துறை அதிகாரிகள் காலையிலேயே அந்த கடைகளின் பங்குதாரர்களை அழைத்து வந்து கடையை திறக்க செய்து சோதனையில் நடத்தினர். இதேபோல புதுச்சேரியில் உள்ள அரசன் சோப்பு நிறுவனத்தின் 6 இடங்களில் வருமான வரித்துறையினர் சோதனையில் ஈடுபட்டுள்ளதாக வருமான வரித்துறை உயர் அதிகாரி ஒருவர் தெரிவித்தார்.

English summary

Income Tax raids at Arasan group of companies varies places in Coimbatore and Puduchery.