• search
For Quick Alerts
ALLOW NOTIFICATIONS  
For Daily Alerts

புதுக்கோட்டை இடைத்தேர்தல்: 32 அமைச்சர்கள் உட்பட 43 பேர் கொண்ட அதிமுக பணிக் குழு அறிவிப்பு

By Mathi
Google Oneindia Tamil News
Jayalalitha
சென்னை: புதுக்கோட்டை தொகுதிக்கான இடைத்தேர்தலில் பணியாற்ற அமைச்சர்கள் உட்பட 43 பெர் கொண்ட தேர்தல் பணிக் குழுவை அதிமுக அறிவித்துள்ளது.

இதில் 32 பேர் அமைச்சர்கள். தமிழக அமைச்சரவையில் அமைச்சர்கள் எண்ணிக்கை ஜெயலலிதாவையும் சேர்த்து 33தான். இதில் தன்னைத் தவிர அத்தனை அமைச்சர்களையும் அவர் புதுக்கோட்டைக்கு அனுப்புவது குறிப்பிடத்தக்கது.

புதுக்கோட்டை தொகுதியில் இந்திய கம்யூனிஸ்ட் கட்சி சார்பில் போட்டியிட்டு வெற்றி பெற்ற முத்துக்குமரன் சாலை விபத்தி உயிரிழந்தார். இதையடுத்து இத்தொகுதிக்கு ஜூன் 12-ந் தேதி இடைத்தேர்தல் நடைபெற உள்ளது. ஏற்கெனவே போட்டியிட்ட இந்திய கம்யூனிஸ்ட் கட்சி இத்தேர்தலில் போட்டியிடவில்லை என்று அறிவித்து

புதுக்கோட்டை தொகுதிக்கு இடைத்தேர்தல் நடைபெற உள்ள நிலையில் ஆளும் அதிமுக அரசு பல்வேறு நலத்திட்டங்களை ஏற்கெனவே அறிவித்திருந்தது. இந்நிலையில் அதிமுக சார்பில் போட்டியிடும் வேட்பாளராக கார்த்திக் தொண்டமானை அதிமுக அறிவித்துள்ளது. அவர் இன்று முதல் பிரச்சாரத்தைத் தொடங்க உள்ளார்.

இதனிடையே புதுக்கோட்டை தொகுதியில் இடைத்தேர்தலில் பணியாற்றுவதற்கு அமைச்சர்கள் உள்ளிட்ட 43 பேர் கொண்ட குழுவை அதிமுக பொதுச்செயலாளர் ஜெயலலிதா அறிவித்துள்ளார். முதல் நிலை அமைச்சரான ஓ.பன்னீர் செல்வம் முதல் கடை நிலை அமைச்சரான எம்.எஸ்.எம். ஆனந்தன் வரை அத்தனை பேரையும் இந்தப் பட்டியலில் சேர்த்துள்ளார் முதல்வர் ஜெயலலிதா.

கடந்த சங்கரன்கோவில் இடைத் தேர்தலிலும் கூட இப்படித்தான் அத்தனை அமைச்சர்களையும் களம் இறக்கி மற்ற கட்சிகளை மிரள வைத்தார் ஜெயலலிதா. தற்போதும் அதே பாணியில் அத்தனை அமைச்சர்களும் புதுக்கோட்டைக்குப் புறப்படுகிறார்கள். இதனால் கோட்டை வட்டாரம் தேர்தல் முடியும் வரை வெறிச்சோடிப் போயிருக்கும் என்பதில் சந்தேகமில்லை.

புதுக்கோட்டை இடைத்தேர்தலில் மற்ற கட்சிகள் போட்டியிடுவதற்கு அவ்வளவாக ஆர்வம் காட்டாத நிலையில் அதிமுக முழு வீச்சில் களம் இறங்கியுள்ளது குறிப்பிடத்தக்கது.

புதுக்கோட்டை இடைத் தேர்தல் பணிக்குப் புறப்படவுள்ள அதிமுக தேர்தல் பணிக்குழு பட்டியல்

ஓ.பன்னீர்செல்வம்
கே.ஏ.செங்கோட்டையன்
நத்தம் இரா.விஸ்வநாதன்
கே.பி.முனுசாமி
ஆர்.வைத்தியலிங்கம்
பா.வளர்மதி
பி.பழனியப்பன்
சி.வி.சண்முகம்
செ.தாமோதரன்
செல்லூர் கே.ராஜு
கே.டி.பச்சைமால்
எடப்பாடி கே.பழனிச்சாமி
ஆர்.காமராஜ்
வி.மூர்த்தி
எம்.சி.சம்பத்
கே.வி.ராமலிங்கம்
டி.கே.எம்.சின்னையா
பி.தங்கமணி
டாக்டர் எஸ்.சுந்தரராஜ்
பி.செந்தூர்பாண்டியன்
எஸ்.கோகுல இந்திரா
பி.வி.ரமணா
ந.சப்பிரமணியன்
வி.செந்தில்பாலாஜி
கே.ஏ.ஜெயபால்
என்.ஆர்.சிவபதி
முக்கூர் என்.சுப்பிரமணியன்
கே.டி.ராஜேந்திர பாலாஜி
சி.த.செல்லப்பாண்டியன்
டாக்டர் வி.எஸ்.விஜய்
அ.முஹம்மத் ஜான்
எம்.எஸ்.எம்.ஆனந்தன்
பி.எச்.பாண்டியன்
அ.தமிழ்மகன் உசேன்
பொள்ளாச்சி வி.ஜெயராமன்
டி.ஆர்.அன்பழகன்
ஆர்.சின்னசாமி
ஆர்.பி.உதயகுமார்
எஸ்.சரவணபெருமாள்
அன்வர் ராஜா
டாக்டர் வைகைச் செல்வன்
கு.ப.கிருஷ்ணன்
ஆர்.எஸ்.ராஜகண்ணப்பன்

English summary
Tamilnadu CM Jayalalithaa has announced that a 43 member team including 32 ministers has been set up to carry out election work in Pudukkottai constituency ahead of the bypoll there.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X