இந்தியன் வங்கி, இந்தியன் ஓவர்சீஸ் வங்கிகளில் கடன் வட்டி குறைப்பு

மே1 முதல் இந்தியன் வங்கி, இந்தியன் ஓவர்சீஸ் வங்கிகளில் கடனுக்கான வட்டி குறைப்பு

டெல்லி: பொதுத்துறை வங்கிகளான இந்தியன் வங்கியும் இந்தியன் ஓவர்சீஸ் வங்கியும் மே 1 முதல் கடன்களுக்கான வட்டியை 0.25 விழுக்காடு குறைக்க உள்ளன.

இதனால் வங்கிகளின் அடிப்படை வட்டி விகிதமானது 10.75-ல் இருந்து 10.50 விழுக்காடாக குறைந்துள்ளது.

ஏற்கனவே பஞ்சாப் அண்ட் சிந்த் வங்கியானது வட்டிக் குறைப்பை அமல்படுத்தியிருக்கிறது. இந்த வங்கியானது தமது டெபாசிட்டுகளுக்கு வழங்கி வந்த 9.75 விழுக்காடு வட்டியை 9.25 விழுக்காடாக குறைத்திருக்கிறது.

ரெப்போ ரேட் விகிதங்களை ரிசர்வ் வங்கி 0.50 விழுக்காடு குறைத்ததால் ஐ.சி.ஐ.சி.ஐ. வங்கி போன்றவை வட்டி விகிதங்களை குறைத்திருந்தன. ஸ்டேட் வங்கி டெபாசிட் வட்டி விகிதங்களை முதிர்வு காலத்தைப் பொறுத்து 1 விழுக்காடு வரை குறைத்தும், 180 நாள்கள் முதிர்வினை கொண்ட டெபாசிட்டுக்கான வட்டி விகிதத்தை 0.25 விழுக்காடு அதிகரித்தும் உள்ளது.

English summary

Indian Bank and Indian Overseas Bank (IOB) today slashed lending rates by 0.25 per cent, in line with other lenders.