போயிங்கிடம் இருந்து 27 ட்ரீம்லைனர் விமானங்கள் வாங்கும் ஏர் இந்தியா

தெற்கு கரோலினா: தெற்கு கரோலினாவில் உள்ள தனது புதிய தொழிற்சாலையில் இருந்து தனது முதல் 787 ட்ரீம்லைனர் விமானத்தை போயிங் நிறுவனம் தயாரித்துள்ளது. இந்த விமானம் ஏர் இந்தியாவுக்கு வழங்கப்பட உள்ளது.

அமெரிக்காவின் தெற்கு கரோலினாவில் பிரபல விமான தயாரிப்பாளரான போயிங் நிறுவனத்தின் புதிய தொழிற்சாலை அமைக்கப்பட்டுள்ளது. இந்த தொழிற்சாலையில் தயாரிக்கப்பட்ட முதல் 787 ட்ரீம்லைனர் விமானம் ஏர் இந்தியாவுக்கு வழங்கப்பட உள்ளது. இந்த விமானம் பல்வேறுகட்ட சோதனைகளுக்குப் பிறகு இந்த ஆண்டு மத்தியில் ஏர் இந்தியாவிடம் வழங்கப்படவிருக்கிறது.

நலிந்து கொண்டிருக்கும் ஏர் இந்தியா 27 ட்ரீம்லைனர் விமானங்களுக்கு ஆர்டர் செய்துள்ளது. அதில் குறைந்தது 3 விமானங்களாவது இந்த ஆண்டு கிடைக்கும் என்று எதிர்பார்க்கப்படுகிறது. எரிபொருளை சிக்கனப்படுத்தும் இந்த விமானத்தால் பயணக் கட்டணம் குறையும் என்று எதிர்பார்க்கப்படுகிறது.

இதற்கிடையே ஜெட் ஏர்வேஸ் 10 ட்ரீம்லைனர் விமானங்களுக்கு ஆர்டர் கொடுத்துள்ளது என்பது குறிப்பிடத்தக்கது.

English summary

Boeing, the US aerospace giant has rolled out its first 787 Dreamliner aircraft from its new plant in South Carolina. This aircraft will be handed over to Air India in mid 2012. Air India has ordered for 27 of these planes.