பாபா ராம்தேவ் ஒரு 'லூசு''!!: லாலு பிரசாத் தாக்கு

பாட்னா: எம்.பி.க்கள் எல்லாம் ஊழல்வாதிகள் என்று சாடிய யோகா குரு பாபா ராம்தேவ் ஒரு 'லூசு' என்று ராஷ்ட்ரிய ஜனதாதள தலைவர் லாலு பிரசாத் யாதவ் தெரிவித்துள்ளார்.

யோகா குரு பாபா ராம்தேவ் எம்.பி.க்களில் சில நல்லவர்கள் இருக்கிறார்கள். மேலும் சிலர் ஊழல்வாதிகள், குணமே இல்லாதவர்கள் என்று விமர்சித்தார். அதற்கு பல எம்.பி.க்கள் வீணாக ஏன் ராம்தேவுக்கு பதில் அளிக்க வேண்டும் என்று ஒதுங்கிவிட்டனர். ஆனால் சிலர் அவர் எப்படி நம்மை ஊழல்வாதிகள் என்று சொல்லலாம் என்று பதிலுக்கு ராம்தேவை சாடி வருகின்றனர்.

இந்நிலையில் எம்.பி.க்கள் விமர்சித்த பாபா ராம்தேவை லூசு என்று ராஷ்ட்ரிய ஜனதாதள தலைவர் லாலு பிரசாத் யாதவ் சாடியுள்ளார்.

ராம்தேவ் தன்னை ஒரு யோகி என்று கூறுகிறார். ஆனால் அவர் ஒரு யோகி போன்று பேசுவதில்லை. அவருக்கு யோகிக்கான குணத்தை கொடுக்குமாறு நான் கடவுளை வேண்டிக் கொள்கிறேன் என்று சமாஜ்வாடி எம்.பி. மோகன் சிங் தெரிவி்ததுள்ளார்.

எங்கள் குணத்தை பற்றி பாபா ராம்தேவ் சான்று வழங்கத் தேவையில்லை என்று சில எம்.பி.க்கள் தெரிவித்துள்ளனர்.

நாங்கள் மக்களால் தேர்ந்தெடுக்கப்பட்டவர்கள். எங்களுக்கு பாபா ராம்தேவ் ஒன்றும் சான்று தரத் தேவையில்லை என்று காங்கிரஸ் தலைவர் சத்யவிரத் சதுர்வேதி தெரிவித்துள்ளார்.

ஜனநாயகத்தை இழிவுபடுத்தும் உரிமை பாபா ராம்தேவுக்கு கிடையாது என்று மூத்த பாஜக தலைவர் யஷ்வந்த் சின்ஹா கூறியுள்ளார். நாடாளுமன்றம் என்றால் என்னவென்றே ராம்தேவுக்கு தெரியாது என்று இடதுசாரிகள் தங்கள் பங்கிற்கு சாடியுள்ளனர்.

English summary

Former Bihar Chief Minister and RJD supremo, Lalu Prasad Yadav slammed Baba Ramdev after calling the yoga-guru a "mental case" and "frustrated".