தமிழக முன்னேற்ற காங்கிரஸ்.. நாட்டில் இன்னொரு புதிய கட்சி உதயம்!

சென்னை: தமிழக முன்னேற்ற காங்கிரஸ் என்ற புதிய கட்சி தொடங்கப்பட்டுள்ளது.

தமிழக காங்கிரஸ் கட்சி பிரமுகரான எஸ்.அருள்தாஸ் இந்த புதிய கட்சியை தொடங்கியுள்ளார்.

இதற்கான விழா, சென்னை பிராட்வே பஸ் நிலையம் அருகே ராஜா அண்ணாமலை மன்றத்தில் நடைபெற்றது.

அப்போது, சைக்கிள் சின்னம் பொறித்த சிவப்பு, வெள்ளை, பச்சை நிற கொடியை அருள்தாஸ் அறிமுகப்படுத்தி, கட்சியின் பெயர் பலகையை திறந்து வைத்தார்.

இந்த விழாவில், முன்னாள் கூடுதல் காவல் துறை இயக்குனர் பி.தங்கராஜ், ஓய்வு பெற்ற முன்னாள் ஐ.ஏ.எஸ். அதிகாரி வி.செல்வராஜ், பாரத ஸ்டேட் வங்கியில் கூடுதல் ஜெனரல் மேனேஜராக பணியாற்றி ஓய்வு பெற்ற சிவலிங்கம், தமிழக மக்கள் கட்சி நிறுவனர் கோபி நாராயணன் யாதவ் உள்ளிட்ட பலர் வாழ்த்திப் பேசினார்கள்.

பல்வேறு மாவட்டத்தைச் சேர்ந்த நிர்வாகிகளும் கலந்து கொண்டனர்.

English summary

Congress functionary S. Aruldoss has started a new party called Tamilaga Munnetra Congress. He introduced the party flag at the inaugural ceremony.